O‘zbekiston Respublikasi Odil sudlov akademiyasi hamda Oila va xotin-qizlar qo‘mitasi huzuridagi Oila va gender ilmiy-tadqiqot instituti o‘rtasida o‘zaro hamkorlik memorandumi imzolandi. ⏺ Mazkur memorandum tomonlar o‘rtasida oila va gender masalalari, sud-huquq sohasida ilmiy-tadqiqot faoliyati, ta’lim va malaka oshirish yo‘nalishlarida hamkorlikni yanada rivojlantirishga qaratilgan.📄 Hujjat doirasida ilmiy va amaliy tadqiqotlarni amalga oshirish, mutaxassislar ishtirokida seminar, konferensiya va boshqa tadbirlarni tashkil etish, shuningdek, tajriba va ilmiy-uslubiy materiallar almashinuvini yo‘lga qo‘yish ko‘zda tutiladi.👩🏼‍⚖️ Shuningdek, hamkorlik doirasida sudyalik lavozimlari uchun salohiyatli xotin-qiz kadrlarni tayyorlash, ularning sud-huquq tizimidagi o‘rni va rolini yanada oshirish, sudyalar korpusida ayollar vakilligini kengaytirish hamda ayol sudyalar ulushini 30 foizga yetkazishga qaratilgan chora-tadbirlarni ilmiy va amaliy jihatdan qo‘llab-quvvatlash masalalariga alohida e’tibor qaratiladi.📝 Mazkur hamkorlik ikki tashkilotning ilmiy va amaliy salohiyatini birlashtirish, oila va gender masalalariga oid huquqiy bilimlarni yanada takomillashtirish, sud-huquq tizimida xotin-qizlarning professional salohiyatini ro‘yobga chiqarish hamda ushbu yo‘nalishdagi tadqiqotlarni rivojlantirishga xizmat qiladi.

Odil sudlov akademiyasi rektori Sh.Abduqodirov va mas’ullar ishtirokida Ilmiy tadqiqotlarni muvofiqlashtirish bo‘limi faoliyati yaqindan o‘rganildi.O‘rganishda bo‘lim tomonidan ilmiy-tadqiqot ishlarini muvofiqlashtirish, tadqiqotchilar faoliyatini qo‘llab-quvvatlash hamda ilmiy izlanishlar samaradorligini oshirish borasida amalga oshirilayotgan ishlar tahlil qilindi.Ilmiy-tadqiqot faoliyatini yanada takomillashtirish, tadqiqotchilar uchun zarur shart-sharoitlarni yaratish, ilmiy ishlarning sifatini oshirish hamda ilmiy salohiyatdan samarali foydalanish masalalariga alohida e’tibor qaratildi.Shuningdek, bo‘lim faoliyatini rivojlantirish va ilmiy-tadqiqot ishlarini yanada samarali tashkil etish yuzasidan xodimlarga tegishli taklif va tavsiyalar berildi.

Odil sudlov akademiyasi rektori boshchiligidagi mas’ul xodimlar tomonidan Axborot-resurs markazining 2026–2027-o‘quv yiliga tayyorgarlik holati o‘rganildi. Xususan, markazning moddiy-texnik bazasi, kitob fondi, o‘quv jarayonini zarur adabiyotlar bilan ta’minlash holati hamda elektron resurslardan foydalanish imkoniyatlari ko‘zdan kechirildi.Shuningdek, markazda amalga oshirilayotgan yangi loyihalar hamda “Elektron kutubxona” platformasi faoliyati, Axborot-resurs markazi orqali foydalanish imkoniyati yaratilgan milliy va xorijiy ilmiy ma’lumotlar bazalaridan samarali foydalanish masalalari tahlil qilindi.Yangi o‘quv yilida markaz faoliyatini yanada takomillashtirish, elektron resurslardan foydalanish imkoniyatlarini kengaytirish va moddiy-texnik bazani mustahkamlash yuzasidan tegishli ko‘rsatma va topshiriqlar berildi.

Odil sudlov akademiyasi o‘qituvchisi Z.Omonov va Oliy sud sudyasi S.Taganov ishtirokida sudyalar uchun murakkab toifadagi ishlar yuzasidan onlayn qisqa muddatli malaka oshirish kursi tashkil etildi. Kurs doirasida Qoraqalpog‘iston Respublikasi, viloyatlar, Toshkent shahri, tuman va shahar jinoyat ishlari bo‘yicha sudlar sudyalari uchun dars mashg‘uloti o‘tkazildi.Mashg‘ulot “Giyohvandlik vositalari, ularning analoglari yoki psixotrop moddalarni telekommunikatsiya tarmoqlaridan, shuningdek, Internet jahon axborot tarmog‘idan foydalanib o‘tkazish bilan bog‘liq jinoyatlar uchun javobgarlik” mavzusiga bag‘ishlandi.

O‘zbekiston Respublikasi Odil sudlov akademiyasi rektori Sh.Abduqodirov Pro Bono yuridik klinikasida bo‘lib, klinika faoliyati, ish jarayonining tashkil etilishi, faoliyat yo‘nalishlari hamda fuqarolarga bepul huquqiy yordam ko‘rsatish amaliyoti bilan yaqindan tanishdi. 📱 Klinika faoliyatining ta’limni real yuridik amaliyot bilan uyg‘unlashtirishdagi ahamiyatiga alohida e’tibor qaratildi. Xususan, fuqarolarning murojaatlarini tahlil qilish, huquqiy vaziyatlarni kvalifikatsiya qilish, buzilgan huquqlarni himoya qilishning maqbul usullarini aniqlash hamda zarur huquqiy hujjatlarni tayyorlash jarayonlari muhokama qilindi.Rektor fuqaroni shaxsan qabul qilib, uning murojaati yuzasidan huquqiy maslahat berdi. Bu esa aniq huquqiy muammolarni hal etishda amaliy va inson manfaatlariga yo‘naltirilgan yondashuvning muhim namunasidir.📌 Yuridik klinika — bu nafaqat ijtimoiy loyiha. U kelajakdagi professional kadrlarni amaliyotga tayyorlash, aholining huquqiy savodxonligini oshirish hamda Akademiyaning jamiyat bilan bevosita aloqasini ta’minlashga xizmat qiladigan muhim amaliy maydondir.

Akademik halollik va etik yuksalish kengashi tomonidan “Akademik halollik — umumiy mas’uliyat” mavzusida seminar-trening o‘tkazildi. Seminar-trening akademik halollik tamoyillariga qat’iy rioya etish, ta’lim va ilmiy faoliyatda mas’uliyatni yanada kuchaytirish masalalariga bag‘ishlandi.Akademiya professor-o‘qituvchilari va doktorantlari ishtirok etgan tadbirda Kengash faoliyati, o‘quv va ilmiy adabiyotlarni taqdim etish tartibi hamda Akademik halollik siyosatining mazmun-mohiyati haqida batafsil ma’lumot berildi.

O‘zbekiston Respublikasi Prezidentining 2025-yil 21-avgustdagi “Odil sudlov sohasida yuqori malakali kadrlar tayyorlash tizimini tubdan takomillashtirish chora-tadbirlari to‘g‘risida”gi PF–141-son Farmonining 8-bandiga muvofiq, amaldagi sudyalar uchun Oliy sud tomonidan belgilanadigan murakkab toifadagi ishlar yuzasidan malaka oshirish kurslarini tashkil etish belgilangan. Mazkur Farmon ijrosini ta’minlash maqsadida O‘zbekiston Respublikasi Odil sudlov akademiyasida amaldagi sudyalar uchun onlayn qisqa muddatli malaka oshirish kurslari boshlandi.Jumladan, fuqarolik ishlari bo‘yicha sudlar sudyalari uchun “Er-xotin o‘rtasidagi umumiy mulkni bo‘lishga oid nizolarni sudda ko‘rish amaliyoti”, iqtisodiy sudlar sudyalari uchun esa “Davlat xaridlari yuzasidan kelib chiqadigan nizolar” mavzularida o‘quv mashg‘ulotlari tashkil etildi.O‘quv mashg‘ulotlari Akademiya dotsenti E.Sabirov, Oliy sud sudyasi O'.Razikov, Akademiya o‘qituvchisi R.Berdiyarov hamda Namangan viloyat sudi raisining o‘rinbosari B.Isroilov tomonidan olib borildi.Ushbu kurslar sudyalar tomonidan murakkab toifadagi ishlarni ko‘rib chiqishda yagona sud amaliyotini shakllantirish, qonunchilikni to‘g‘ri qo‘llash hamda kasbiy bilim va ko‘nikmalarni yanada mustahkamlashga xizmat qiladi.

O‘zbekiston Respublikasi Oliy ta’lim, fan va innovatsiyalar vazirligi tomonidan davlat buyurtmasi asosida o‘tkazilgan ilmiy-tadqiqot loyihalari tanlovida O‘zbekiston Respublikasi Odil sudlov akademiyasining “Sudyalik lavozimiga nomzodlarning psixologik portretini shakllantiruvchi elektron dastur” hamda “Sud muhokamasi simulyatsiyasi” elektron platformasini ishlab chiqish loyihalari g‘olib deb topildi.Mazkur ikki loyiha uchun jami 3 milliard 593 million 651 ming so‘mlik davlat granti qo‘lga kiritildi.2026–2028-yillarda amalga oshiriladigan ushbu loyihalar sudyalik lavozimiga nomzodlarni zamonaviy yondashuvlar asosida baholash, sudyalar va sudyalikka nomzodlarning malakasini oshirish hamda sud tizimi uchun yuqori malakali kadrlar tayyorlashga xizmat qiladi.

Jizzax viloyatining Zomin tumanida O‘zbekiston Respublikasi Odil sudlov akademiyasi tomonidan O‘zbekiston Respublikasi Huquqni muhofaza qilish akademiyasi hamda Yevropada xavfsizlik va hamkorlik tashkiloti (YXHT) bilan hamkorlikda “Axborot texnologiyalari sohasidagi jinoyatlar: aniqlashdan sud hukmiga qadar” mavzusida o‘quv kursi tashkil etildi. 29–30-iyul kunlari o‘tkazilgan o‘quv kursida sudyalar axborot texnologiyalari sohasidagi jinoyatlarni aniqlash va sudda ko‘rib chiqish jarayonlariga oid zamonaviy yondashuvlar bilan tanishdilar.Mashg‘ulotlar davomida kiberjinoyatchilikka qarshi kurashishning amaliy jihatlari, raqamli kriminalistika imkoniyatlari, elektron dalillar bilan ishlash usullari, blokcheyn texnologiyalari, kriptoaktivlar bilan bog‘liq masalalar hamda boshqa dolzarb mavzular muhokama qilindi.O‘quv kursi yakunida ishtirokchilarga sertifikatlar topshirildi. Mazkur kurs sudyalar va soha vakillarining axborot texnologiyalari bilan bog‘liq ishlarni samarali ko‘rib chiqish borasidagi bilim va amaliy ko‘nikmalarini yanada mustahkamlashga xizmat qilishi ta’kidlandi.