Ўзбекистон Республикаси Одил судлов академияси 2026/2027-ўқув йили учун 70420115 – "Суд фаолияти" мутахассислиги бўйича магистратурага қабул эълон қилади.🗓 Қабул муддати: 2026-йил 1-июлдан 30-июлга қадар (30-июл куни ҳам).📄 Магистратура дастури кундузги ва кечки таълим шаклларида ташкил этилиб, суд-ҳуқуқ соҳасида чуқур билим ва амалий кўникмаларга эга юқори малакали мутахассисларни тайёрлашга қаратилган. 🎓 Дарс машғулотлари суд тизимида кўп йиллик иш тажрибасига эга бўлган судялар, профессор-ўқитувчилар ҳамда халқаро экспертлар томонидан олиб борилади. Бу эса тингловчиларга назарий билимлар билан бир қаторда реал суд амалиётига асосланган тажриба ва кўникмаларни ҳам эгаллаш имконини беради.Ўқув жараёнида тингловчилар суд амалиётига оид иш материаллари, протсессуал ҳужжатлар ва суд қарорлари билан ишлаш орқали уларни таҳлил қилиш ҳамда амалда қўллаш кўникмаларини шакллантирадилар.Одил судлов академияси магистратураси замонавий билим ва юксак касбий салоҳиятга эга юқори малакали кадрлар тайёрлаш, суд-ҳуқуқ соҳасида илмий ва амалий салоҳиятни ривожлантиришга хизмат қилади. 📌 Магистратурага қабул қилиш тартиби Ўзбекистон Республикаси Вазирлар Маҳкамасининг 2026-йил 25-июндаги 327-сон қарори билан тасдиқланган Низом асосида амалга оширилади.

Бугун Судьялар олий кенгашининг ташаббуси билан 27 июнь — Матбуот ва оммавий ахборот воситалари ходимлари кунига бағишлаб, журналист ва блогерлар учун пресс-тур ташкил этилди.Пресс-турда Судьялар олий кенгаши раиси Х.Ёдгоров иштирокчиларни қутлаб, мамлакатимиз тараққиётининг янги босқичида амалга оширилаётган суд ислоҳотлари, соҳада очиқлик ва шаффофликни таъминлаш борасида фикрларини билдирди.Республикамизнинг барча ҳудудларидан келган 50 ортиқ оммавий ахборот воситалари вакиллари Судьялар олий кенгашида бўлиб, судьялик лавозимларига энг муносиб номзодларни танлаш ва тайинлаш жараёнига ахборот ва коммуникация технологияларини жорий этиш, судьяларнинг фаолиятини рейтинг асосида баҳолаб бориш борасидаги рақамлаштириш билан яқиндан танишишди.Cудьялар олий кенгашининг судьяси, Ташкилий-назорат ва ахборот-таҳлил шўъбаси раҳбари Хуршид Содиқов пресс-тур иштирокчиларига Кенгаш фаолиятининг очиқлигини, айниқса судьяларни лавозимга тайинлаш жараёнидаги шаффофликни таъминлашга қаратилган амалий ишлар бўйича батафсил маълумот берди.Шундан сўнг иштирокчилар Одил судлов академияси фаолияти билан яқиндан танишдилар. Хусусан, уларга суд имитацияси хонаси, судьяликка номзодларни психологик тайёрлаш жараёнлари ҳамда Ахборот-ресурс марказининг имкониятлари намойиш этилди.Тадбир якунида Судьялар олий кенгаши томонидан эълон қилинган ижодий танлов ғолиблари, фаол журналист ва блогерлар тақдирланди. Шунингдек, ОАВ билан ҳамкорликни янада ривожлантириш ҳамда суд-ҳуқуқ соҳасидаги ислоҳотларни кенг жамоатчиликка етказиш масалалари юзасидан фикр-мулоҳазалар алмашилди.Ижодий танлов ғолиблари қуйидаги номинациялар бўйича аниқланди:«Энг яхши репортаж» — Мўътабар Нурмуҳаммедова, «Севимли» телеканали «Замон» дастури мухбири;«Энг яхши телекўрсатув» — Гулайым Ганиева, Қорақалпоғистон Республикаси судининг жамоатчилик ва ОАВ билан алоқалар бўйича бош консультанти;«Энг яхши радиоэшиттириш» — Холбиби Сафарова, «Навоий» радиоканали муҳаррири;«Энг яхши интернет нашри материали» — Муҳаммадқодир Собиров;«Энг яхши блогер материали» — Нурилло Тўхтасинов, Тошкент давлат юридик университети катта ўқитувчиси ва мустақил журналист;«Энг яхши мақола материали» — Авазбек Худойқулов, «Янги Ўзбекистон» газетаси бўлим мудири.Айниқса, ижодий танловга иштирок этган ва «энг ёш иштирокчи» номинацияси бўйича ғолиб деб топилган Самарқанд вилояти Тойлоқ туманидаги 9-синф ўқувчиси Зулайҳо Хурсанмуродова иштирокчиларнинг диққатини тортди. Эндигина 15 ёшга тўлган Зулайҳо ўзи мустақил равишда мамлакатимизда инсон ҳуқуқларини таъминлаш бўйича амалга оширилаётган ислоҳотлар тўғрисида радиолавҳа тайёрлаб, танловга тақдим этган. Ушбу танловда иштирок этиш мен учун катта тажриба мактаби бўлди. Инсон ҳуқуқларини таъминлаш соҳасида мамлакатимизда амалга оширилаётган ислоҳотлар ҳақида радиолавҳа тайёрлаш жараёнида кўплаб янги билимларга эга бўлдим. «Энг ёш иштирокчи» номинацияси ғолиби деб топилганим мен учун катта шараф ва масъулиятдир. Менга билдирилган ишонч учун ташкилотчиларга миннатдорлик билдираман. Бу эътироф келгусида янада фаол ва ижодкор бўлишим учун катта рағбат бўлди, — дейди у.

Дастур давомида суд-ҳуқуқ соҳасида амалга оширилаётган ислоҳотлар, суд тизимига бўлган ишончни мустаҳкамлаш, судяликка номзодларни тайёрлаш жараёнлари ҳамда Одил судлов академиясининг бу борадаги ўрни ва фаолияти юзасидан атрофлича фикр-мулоҳазалар билдирилди.Шунингдек, Академия мутахассиси томонидан суд тизимида кадрлар тайёрлаш сифатини ошириш, замонавий ёндашувларни жорий этиш ҳамда амалиёт ва назарияни уйғунлаштириш масалаларига алоҳида эътибор қаратилди.

Ўзбекистон Республикаси Одил судлов академиясида судялар учун ташкил этилган навбатдаги малака ошириш курслари муваффақиятли якунланди. Жумладан, беш йил муддатга тайинланган туманлараро иқтисодий судлар судялари ҳамда маъмурий судлар судялари ва муддатсиз даврга тайинланган судялар (шу жумладан суд раислари) учун анъанавий таълим шаклида малака ошириш курслари ниҳоясига етди.Машғулотлар давомида тингловчилар суд амалиётидаги долзарб масалалар, протсессуал қонунчиликни қўллашнинг замонавий ёндашувлари, инсон ҳуқуқларини ҳимоя қилишга оид халқаро стандартлар, судялик этикаси ва психологияси, шунингдек, суд тизимида ахборот-коммуникация технологиялари ҳамда сунъий интеллект имкониятларидан фойдаланиш масалалари бўйича билим ва кўникмаларини мустаҳкамладилар.Курслар якунида тингловчиларга белгиланган намунадаги сертификатлар топширилди.

✅ Фуқаролик-ҳуқуқий фанлар кафедраси мудири;✅ Иқтисодий-ҳуқуқий фанлар кафедраси мудири;✅ Маʼмурий-ҳуқуқий фанлар кафедраси мудири;✅ Касбий кўникмалар кафедраси мудири;✅ Инсон ҳуқуқлари, халқаро ҳуқуқ ва ижтимоий-гуманитар фанлар кафедраси мудири;✅ Фуқаролик-ҳуқуқий фанлар кафедраси ўқитувчиси;✅ Иқтисодий-ҳуқуқий фанлар кафедраси ўқитувчиси;✅ Маʼмурий-ҳуқуқий фанлар кафедраси ўқитувчиси;✅ Касбий кўникмалар кафедраси ўқитувчиси;✅ Инсон ҳуқуқлари, халқаро ҳуқуқ ва ижтимоий-гуманитар фанлар кафедраси ўқитувчиси. Кафедра мудири лавозимига номзод:– Ўзбекистон Республикаси фуқароси бўлиши;– олий юридик маʼлумот (магистр даражаси)га ҳамда юридик ихтисослиги бўйича камида ўн икки йил (қоида тариқасида, судялик лавозимида камида беш йил) иш стажига эга бўлиши;– фалсафа доктори (PhD) ёки фан доктори (DSc) илмий даражасига, шунингдек қоида тариқасида, профессор ёки доцент илмий унвонига эга бўлиши;– рус ва/ёки инглиз тилини билиши;– АКТдан самарали фойдаланиш кўникмасига эга бўлиши талаб этилади.  Кафедра ўқитувчиси лавозимига номзод:– Ўзбекистон Республикаси фуқароси бўлиши;– олий юридик маʼлумот (магистр даражаси)га ҳамда юридик ихтисослиги бўйича, камида етти йил (қоида тариқасида, камида беш йил судялик лавозимида) иш стажига эга бўлиши;– қоида тариқасида, фалсафа доктори (PhD) ёки фан доктори (DSc) илмий даражасига, шунингдек профессор ёки доцент илмий унвонига эга бўлиши;– АКТдан самарали фойдаланиш кўникмасига эга бўлиши талаб этилади.– педагогик иш стажига эга бўлган, юридик йўналишдаги олий таʼлим муассасаларида ўқитувчи ҳамда судя бўлиб ишлаган, хорижий (рус, инглиз, немис, француз) тилларини биладиган номзодлар устунликка эга бўлади. Талабгорлар танлов асосида қабул қилинади. Танлов икки босқичдан: тест синовлари ва очиқ дарс машғулоти ўтказишдан иборат. Тест синовларидан муваффақиятли ўтган шахслар иккинчи босқич – очиқ дарс машғулотлари ўтказишда қатнашадилар.🎓 Очиқ дарс машғулоти маʼруза шаклида Поwер Поинт Пресентатион/слайдлар ёрдамида ўтказилиши лозим.Еслатма: маʼруза (очиқ дарс машғулоти) мавзулари кафедралар предметлари бўйича ўқув дастурлари талабларига мувофиқ бўлиши керак.🎓 Танловда иштирок этиш истагини билдирганлар Одил судлов академиясининг sudacademy@umail.uz, info@sudacademy.uz электрон почталарига ёки Одил судлов академиясига (100097, Тошкент шаҳри, Чилонзор тумани, Чўпонота кўчаси, 6-уй) қуйидаги ҳужжатларни юборишлари сўралади:✅ ариза (қайси лавозимга талабгор эканлиги, яшаш манзили ва телефон рақамини кўрсатган ҳолда);✅ маʼлумотнома (обйективка).🏆 Аризалар 2026-йил 29-июн соат 17:00 га қадар қабул қилинади.Мурожаат учун Тел.: (55) 501-01-93.

Ўзбекистон Республикаси Одил судлов академиясида Европада хавфсизлик ва ҳамкорлик ташкилотининг (ОСCЕ) Ўзбекистондаги Лойиҳалари координатори, элчи Антти Карттунен бошчилигидаги делегация билан учрашув бўлиб ўтди. Учрашув давомида Академия ректори Шерзод Абдуқодиров Академия фаолияти, суд-ҳуқуқ тизимида амалга оширилаётган ислоҳотлар ҳамда судяларни тайёрлаш ва уларнинг малакасини ошириш тизимини такомиллаштириш борасида олиб борилаётган ишлар ҳақида маълумот берди.Томонлар Академия ва ЙХҲТ ўртасида бугунги кунда йўлга қўйилган самарали ҳамкорликни юқори баҳолаб, хусусан, республика судялари учун кибержиноятларга қарши кураш мавзусида мунтазам равишда ташкил этиб келинаётган ўқув-тренингларнинг аҳамияти ва самарадорлигини алоҳида таъкидладилар.Шунингдек, учрашувда Академия ва ЙХҲТ ўртасидаги ҳамкорликнинг истиқболли йўналишлари муҳокама қилиниб, 2027–2028-йилларга мўлжалланган ҳамкорлик бўйича Йўл харитасини ишлаб чиқиш ва тасдиқлаш масалалари юзасидан фикр алмашилди. Элчи Антти Карттунен томонидан суд-ҳуқуқ соҳасида салоҳиятни ошириш, судялар учун замонавий ўқув дастурларини ташкил этиш ҳамда халқаро тажрибани жорий этишга қаратилган ҳамкорлик йўналишлари юзасидан таклифлар билдирилди.Учрашув очиқ ва конструктив мулоқот руҳида ўтиб, томонлар ўртасидаги ўзаро манфаатли ҳамкорликни янада кенгайтириш ва янги қўшма ташаббусларни амалга оширишга тайёр эканликларини билдирдилар.  

2026-йил 8–12-июн кунлари Туркия Республикасининг Истанбул шаҳрида Америка Қўшма Штатлари Савдо вазирлигининг Тижорат ҳуқуқини ривожлантириш дастури (Commercial Law Development Program – CLDP) ҳамда Импаcт Ассоcиатес ташкилоти ҳамкорлигида Халқаро медиатсия бўйича о'қув курси ташкил этилди.Мазкур нуфузли ўқув дастурида Одил судлов академияси магистратура декани, юридик фанлар доктори, профессор Лилия Ачилова иштирок этди.Халқаро медиатсия институти талабларига мувофиқ ишлаб чиқилган 40 соатлик о'қув дастури доирасида медиатсиянинг замонавий ёндашувлари, низоларни муқобил ҳал этиш усуллари, музокаралар олиб бориш кўникмалари ҳамда халқаро тажрибалар муҳокама қилинди.Тренингда Ўзбекистон Республикаси ва Грузиядан медиатсия соҳаси мутахассислари, олий таълим муассасалари профессор-ўқитувчилари, амалиётчи юристлар ва медиаторлар иштирок этиб, ўзаро тажриба алмашдилар.Мазкур халқаро ўқув курсида иштирок этиш Академия профессор-ўқитувчилари ва илмий ходимларининг халқаро ҳамкорлик алоқаларини мустаҳкамлаш, медиатсия институтини ривожлантириш ҳамда илғор хорижий тажрибаларни миллий амалиётга татбиқ этишга хизмат қилади.  

Хоразм вилоятида Ўзбекистон Республикаси Одил судлов академияси томонидан Ўзбекистон Республикаси Ҳуқуқни муҳофаза қилиш академияси ҳамда Европада хавфсизлик ва ҳамкорлик ташкилоти (ЙХҲТ) ҳамкорлигида “Ахборот технологиялари соҳасидаги жиноятлар: аниқлашдан суд ҳукмига қадар” мавзусида ўқув курси ташкил этилди. Ўқувлар 11–12 июнь кунлари ўтказилиб, унда судьялар ахборот технологиялари соҳасидаги жиноятларни аниқлаш ва судда кўриб чиқиш жараёнларига оид замонавий ёндашувлар билан танишдилар. Ўқув жараёнида кибержиноятчиликка қарши курашишнинг амалий жиҳатлари, рақамли криминалистика имкониятлари, электрон далиллар билан ишлаш усуллари, блокчейн технологиялари ҳамда крипто-активлар ва бошқа мавзулар бўйича долзарб масалалар муҳокама қилинди. Якунда иштирокчиларга сертификатлар топширилди. Мутахассислар мазкур курс судьялар ва соҳа вакилларининг ахборот технологиялари билан боғлиқ ишларни самарали кўриб чиқиш бўйича билим ва кўникмаларини янада мустаҳкамлашга хизмат қилишини таъкидлади.

Ўзбекистон Республикаси Президентининг ПФ–141-сон Фармонида Одил судлов академиясида ташкил этиладиган ўқув жараёнларига халқаро экспертларни жалб этиш вазифаси белгиланган.Мазкур вазифалар ижроси доирасида Одил судлов академиясига Полша Республикасининг Белосток университети Юридик факултети ҳузуридаги Жиноят ҳуқуқи ва криминология кафедраси профессори Катарзйна Ласкоwска ташриф буюрди. Ташрифдан кўзланган асосий мақсад малака ошириш курсларида таҳсил олаётган судяларни жиноят ҳуқуқи ва криминология соҳасидаги илғор хорижий тажрибалар билан таништириш ҳамда илмий ҳамкорликни ривожлантиришдан иборат.Ташриф аввалида меҳмон Академиянинг илмий, инновациялар ва ахборот-таҳлилий ишлар бўйича проректори Н. Салайев билан учрашди. Мулоқот давомида истиқболдаги ҳамкорлик йўналишлари ва кутилаётган натижалар муҳокама қилинди.Шундан сўнг профессор Катарзйна Ласкоwска Академия тингловчилари учун “Полшада жиноятчиликнинг бугунги ҳолати ва ривожланиш омиллари” мавзусида маъруза ўқиди.Ма'лумот учун: Катарзйна Ласкоwска Белосток университети Юридик факултети Жиноят ҳуқуқи ва криминология кафедраси мудири, таниқли криминолог олима ҳисобланади. У 240 дан ортиқ илмий ишлар муаллифи бўлиб, илмий фаолиятида уюшган жиноятчилик, давлат хавфсизлиги, оилавий зўравонлик ҳамда Марказий Осиё мамлакатларидаги криминологик муаммоларни тадқиқ этиб келмоқда.