Бугун, Ўзбекистон Республикаси Одил судлов академиясида ходимлар ўртасида коррупцияга нисбатан муросасиз муносабатни шакллантириш, ҳуқуқий онг ва маданиятни юксалтиришга қаратилган “Коррупция — тараққиёт кушандаси” мавзусида мулоқот ўтказилди. Тадбирда Тошкент шаҳар прокуратураси вакиллари коррупцияга қарши курашишнинг ҳуқуқий асослари, коррупциявий ҳуқуқбузарликлар учун жавобгарлик, давлат органлари ва ташкилотларида коррупциянинг олдини олиш, манфаатлар тўқнашуви ҳамда хизмат одоби масалалари юзасидан маърузалар билан иштирок этдилар.Мулоқотнинг иккинчи қисмида Ўзбекистон Республикаси Президентининг 2026 йил 21 сентябрдаги “Меҳнат соҳасида хавфсиз ва ҳурматга асосланган иш муҳитини таъминлаш чора-тадбирлари тўғрисида”ги ПҚ-345-сон қарори ҳамда Вазирлар Маҳкамасининг 2026 йил 28 сентябрдаги “Давлат органлари ва ташкилотларида меҳнат соҳасида хавфсиз ва ҳурматга асосланган иш муҳитини таъминлаш механизмларини жорий этиш чора-тадбирлари тўғрисида”ги ВМҚ-518-сон қарори мазмун-моҳияти муҳокама қилинди.Ушбу ҳужжатлар доирасида Академияда хавфсиз ва ҳурматга асосланган меҳнат муҳитини шакллантириш, ходимларнинг меҳнат ҳуқуқларини ҳимоя қилиш, иш жойида тазйиқ ва камситиш ҳолатларининг олдини олиш механизмлари юзасидан фикр алмашилди.Тадбир якунида муҳокама қилинган масалалар юзасидан тегишли хулосалар чиқарилиб, Академия фаолиятида қонунийлик, ҳалоллик, шаффофлик ва ўзаро ҳурмат тамойилларига риоя этиш муҳимлиги таъкидланди.

Ўзбекистон Республикаси Судьялар олий кенгаши ва Одил судлов академияси делегацияси Тожикистон халқаро туризм ва тадбиркорлик университетида ташкил этилган “Ҳуқуқни муҳофаза қилувчи органлар фаолиятида халқаро ҳамкорлик: маданий меросни сақлаш ва ҳимоя қилиш” мавзусидаги халқаро конференцияда иштирок этмоқда.⏺ Халқаро тадбир доирасида Тожикистон Республикаси Олий суди, Конституциявий суди, Олий иқтисодий суди ва Душанбе шаҳар суди ҳамкор ташкилотлар сифатида кўрсатилган. Шунингдек, анжуманда суд-ҳуқуқ соҳаси мутахассислари, юридик фанлар докторлари, профессор-ўқитувчилар ва илмий-тадқиқот муассасалари вакиллари қатнашмоқда.🌐 Конференцияда маданий меросни ҳуқуқий муҳофаза қилиш, туризм соҳасидаги қонунчилик, инсон ҳуқуқларини ҳимоя қилиш ҳамда судлар фаолиятида сунъий интеллектни қўллаш ва рақамли суд тизимини шакллантириш масалаларига алоҳида эътибор қаратилмоқда.

Фуқаролар, тингловчилар ҳамда ходимлар билан очиқ ва самарали мулоқотни таъминлаш мақсадида Академия ректорига тўғридан-тўғри мурожаат юбориш имконини берувчи махсус Телеграм-бот ишламоқда. Мазкур бот орқали сиз:— Академия фаолиятига оид таклиф ва мулоҳазаларингизни,— Ариза ва шикоятларингизни,— Таълим ва тадқиқот жараёнини такомиллаштириш бўйича ташаббусларингизни тўғридан-тўғри ректорга юборишингиз мумкин.Барча мурожаатлар белгиланган тартибда кўриб чиқилади ва тегишли чоралар кўрилади.

Ўзбекистон Республикаси Одил судлов академиясида Магистратура декани ва магистрантлар иштирокида очиқ мулоқот ташкил этилди.   Учрашув давомида магистрантларнинг ўқув жараёни, илмий фаолияти ва касбий ривожланиши, шунингдек, уларни қизиқтирган масалалар юзасидан фикр алмашилди.💬 Очиқ мулоқот давомида магистрантларнинг таклиф ва мулоҳазалари тингланиб, уларни қўллаб-қувватлаш ҳамда таълим сифатини янада ошириш масалаларига эътибор қаратилди.❕ Бундай учрашувлар магистрантлар билан самарали мулоқотни йўлга қўйиш, уларнинг билим ва салоҳиятини ривожлантиришда муҳим аҳамият касб этади.

Ўзбекистон Республикаси Одил судлов академияси ҳамда Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамкорлигида «Инсон» марказларининг ҳуқуқий масалалар бўйича эксперт-маслаҳатчилари ҳамда Болаларни ижтимоий ҳимоя қилиш шўбаси масъул ходимлари учун қисқа муддатли малака ошириш курслари якунланди. Мазкур ўқув дастури «Инсон» марказлари масъул ходимларининг оилавий ва фуқаролик ҳуқуқи соҳасидаги касбий билим ва амалий кўникмаларини ошириш, шунингдек, суд жараёнларида болалар ва оилаларнинг ҳуқуқлари ҳамда қонуний манфаатларини самарали ҳимоя қилиш бўйича компетенцияларини ривожлантиришга қаратилди.Курслар давомида тингловчиларга соҳага оид норматив-ҳуқуқий ҳужжатлардаги янгиликлар, ҳуқуқий таваккалчиликларни бошқариш, шартномавий-ҳуқуқий муносабатлар, суд амалиёти ҳамда ҳуқуқий экспертизанинг долзарб масалалари бўйича назарий ва амалий машғулотлар ўтказилди.Машғулотлар Академия профессор-ўқитувчилари, шунингдек, Олий суд ва Тошкент шаҳар судларида фаолият юритаётган кўп йиллик тажрибага эга судьялар иштирокида олиб борилди.Малака ошириш курслари якунида тингловчиларнинг ўзлаштирган билимлари тест синовлари орқали баҳоланди. Натижаларга кўра, барча иштирокчиларнинг ўзлаштириш кўрсаткичлари юқори эканлиги қайд этилиб, курс якунида уларга сертификатлар топширилди.

Бугун Одил судлов академиясида касбий қайта тайёрлаш курси тингловчилари учун “Одил судловни таъминлашда инсон ҳуқуқларига оид халқаро ҳуқуқ” ўқув курсининг тақдимоти бўлиб ўтди.   Тадбир Академия, Халқаро юристлар комиссияси ҳамда Буюк Британиянинг Тошкентдаги элчихонаси ҳамкорлигида ташкил этилди.  Унда Академия проректори D.Aripov, ходимлари, тингловчилари, Буюк Британиянинг Тошкентдаги элчихонаси лойиҳа координатори Гемма Варрен ҳамда Халқаро юристлар комиссиясининг Европа ва Марказий Осиё дастури директори Темур Шакиров иштирок этди.🔼 Тақдимот давомида суд-ҳуқуқ тизимидаги ислоҳотлар, инсон ҳуқуқлари ва эркинликларини ишончли ҳимоя қилиш, шунингдек, халқаро ҳуқуқ нормаларини суд амалиётида қўллаш бўйича тингловчиларнинг билим ва кўникмаларини ривожлантириш масалаларига алоҳида эътибор қаратилди.⚖️ Таъкидланганидек, мазкур ўқув курси тингловчиларнинг инсон ҳуқуқларига оид халқаро шартномалар ва умумеътироф этилган ҳуқуқий стандартлар бўйича билимларини чуқурлаштириш, уларни амалиётда тўғри ва самарали қўллаш кўникмаларини шакллантиришга хизмат қилади.

Бугун Ўзбекистон Республикаси Одил судлов академияси ректори Шерзод Ёқубжонович Абдуқодировнинг касбий қайта тайёрлаш курси тингловчилари билан очиқ мулоқоти бўлиб ўтди. ❓ Очиқ мулоқот давомида тингловчиларнинг таълим жараёни, мавжуд муаммолар, уларни ҳал этиш бўйича таклиф ва ташаббуслари атрофлича муҳокама қилинди.⚖️ Мулоқотда, айниқса, келгусида кучли, билимли, мустақил фикрлайдиган ва юксак касбий салоҳиятга эга судьяларни тайёрлаш масаласига алоҳида эътибор қаратилди.🎓 Таъкидланганидек, касбий қайта тайёрлаш курсларига қабул қилинган тингловчилар синов ва саралашлардан муваффақиятли ўтган, муносиб номзодлар сифатида танлаб олинган. Шу боис уларга юклатилган масъулият ҳам ниҳоятда катта.🇺🇿 Давлатимиз раҳбари ва халқимиз томонидан билдирилаётган ишончни оқлаш, суд ҳокимиятига бўлган ишончни янада мустаҳкамлаш ҳамда одил судловни таъминлашга муносиб ҳисса қўшиш ҳар бир бўлажак судьянинг энг муҳим вазифаларидан бири экани қайд этилди.📚 Шунингдек, тингловчиларга доимий изланиш, қонунчиликдаги янгиликларни чуқур ўрганиш, суд амалиётини таҳлил қилиш, инсон ҳуқуқ ва эркинликларини олий қадрият сифатида эътироф этиш ҳамда судьялик касбининг юксак масъулиятини чуқур ҳис этиш зарурлиги таъкидланди.🤝 Очиқ ва самимий руҳда кечган мулоқот якунида тингловчилар ўзларини қизиқтирган саволлар билан мурожаат қилиб, таклиф ва мулоҳазаларини билдирдилар.Бундай очиқ мулоқотлар бўлажак судьяларнинг касбий тайёргарлигини янада кучайтириш, уларнинг муаммоларини ўрганиш ва таълим жараёнини такомиллаштиришда муҳим аҳамият касб этади.

Бугун Одил судлов академияси магистратура талабалари учун Ўзбекистон Республикаси Олий Мажлиси Қонунчилик палатасига танишув ташрифи ташкил этилди.📝 Ташриф доирасида талабалар Қонунчилик палатаси фаолияти, қонун ижодкорлиги жараёни ҳамда мамлакатимизда амалга оширилаётган суд-ҳуқуқ ислоҳотлари билан яқиндан танишдилар.❓ Мулоқот давомида парламент қўмиталари ва фракцияларининг вазифалари, қонун лойиҳаларини муҳокама қилиш, уларга таклиф ва мулоҳазалар киритиш, шунингдек, тизимдаги муаммоларни ўрганиш ва уларнинг ҳуқуқий ечимларини ишлаб чиқиш жараёнлари ҳақида маълумот берилди.🤩 Талабалар ўзларини қизиқтирган саволлар билан мурожаат қилиб, назарий билимларини амалиёт билан боғлаш ҳамда парламент фаолияти бўйича амалий тасаввурларини кенгайтириш имконига эга бўлдилар.

“Суд экспертизасининг ривожланиш тенденциялари ва истиқболлари” мавзусидаги тадбирда Ўзбекистон Республикаси Одил судлов академияси ректори Sh.Abduqodirov бошчилигида Академия ходимлари иштирок этди. Тадбир давомида суд экспертизаси соҳасининг бугунги ҳолати, замонавий илмий ёндашувлар, инновацион технологиялар ва илғор хорижий тажрибани амалиётга татбиқ этиш масалалари муҳокама қилинди.Шунингдек, экспертлик фаолиятини янада такомиллаштириш, соҳанинг илмий ва амалий салоҳиятини ошириш, замонавий технологияларни кенг жорий этиш ҳамда халқаро ҳамкорликни ривожлантириш истиқболлари юзасидан фикр алмашилди.Марказнинг 75 йиллиги муносабати билан суд экспертизаси соҳасида самарали фаолият олиб бораётган, соҳага муносиб ҳисса қўшиб келаётган бир гуруҳ фаол соҳа ходимлари тантанали равишда тақдирланди.75 йиллик тарих — бу нафақат муҳим сана, балки бой тажриба, илмий салоҳият, шаклланган касбий анъаналар ва мамлакатимизда одил судловни таъминлашга қўшилган муносиб ҳиссанинг ёрқин ифодасидир.