Бугун, 18 август куни Ўзбекистон Республикаси Одил судлов академиясининг 2026/2027-ўқув йили учун касбий қайта тайёрлаш курсларига кириш синовларининг якка тартибдаги суҳбат босқичи бўлиб ўтди.Суҳбат жараёнлари реал вақт режимида барча учун кўринарли жойларда, катта экранларда намойиш этиб борилди. Бу эса имтиҳонларнинг холис ва шаффоф ўтишини таъминлашга хизмат қилди.Шунингдек, суҳбатда иштирок этган ҳар бир номзод ўзи тўплаган балларни суҳбат якунланган заҳоти билиш имкониятига эга бўлди. Мазкур тартиб кириш синовлари жараёнида очиқликни таъминлаб, номзодлар учун тенг ва адолатли шароит яратишга катта ҳисса қўшди.

Одил судлов академияси ҳамда Ўзбекистон Республикаси Адлия вазирлиги ҳузуридаги X.Sulaymonova номидаги Республика суд экспертиза маркази ўртасида ўзаро англашув меморандуми имзоланди.Мазкур меморандум суд-ҳуқуқ соҳасида кадрлар тайёрлаш, суд экспертизаси йўналишида илмий-тадқиқот фаолиятини ривожлантириш ҳамда ўзаро ҳамкорликни янги босқичга кўтариш.Ҳамкорлик доирасида судьялар ва суд тизими ходимларининг суд экспертизаси соҳасидаги билим ва амалий кўникмаларини янада ошириш, мутахассислар иштирокида ўқув семинарлари, давра суҳбатлари ва илмий-амалий тадбирларни ташкил этиш, шунингдек, соҳага оид долзарб масалалар бўйича қўшма тадқиқотлар олиб бориш кўзда тутилмоқда.Меморандум имзолангач, Академия раҳбарияти X.Sulaymonova номидаги Республика суд экспертиза марказида яратилган шарт-шароитлар ва мавжуд имкониятлар билан яқиндан танишдилар.Шунингдек, меморандум доирасида ўзаро йўл-харитаси ишлаб чиқишга келишиб олинди.Мазкур ташриф ўзаро тажриба алмашиш ва келгусидаги ҳамкорлик йўналишларини янада ривожлантириш учун муҳим амалий аҳамият касб этди.

Ўзбекистон Республикаси Одил судлов академияси ҳамда Оила ва хотин-қизлар қўмитаси ҳузуридаги Оила ва гендер илмий-тадқиқот институти ўртасида ўзаро ҳамкорлик меморандуми имзоланди. ⏺ Мазкур меморандум томонлар ўртасида оила ва гендер масалалари, суд-ҳуқуқ соҳасида илмий-тадқиқот фаолияти, таълим ва малака ошириш йўналишларида ҳамкорликни янада ривожлантиришга қаратилган.📄 Ҳужжат доирасида илмий ва амалий тадқиқотларни амалга ошириш, мутахассислар иштирокида семинар, конференция ва бошқа тадбирларни ташкил этиш, шунингдек, тажриба ва илмий-услубий материаллар алмашинувини йўлга қўйиш кўзда тутилади.👩🏼‍⚖️ Шунингдек, ҳамкорлик доирасида судьялик лавозимлари учун салоҳиятли хотин-қиз кадрларни тайёрлаш, уларнинг суд-ҳуқуқ тизимидаги ўрни ва ролини янада ошириш, судьялар корпусида аёллар вакиллигини кенгайтириш ҳамда аёл судьялар улушини 30 фоизга етказишга қаратилган чора-тадбирларни илмий ва амалий жиҳатдан қўллаб-қувватлаш масалаларига алоҳида эътибор қаратилади.📝 Мазкур ҳамкорлик икки ташкилотнинг илмий ва амалий салоҳиятини бирлаштириш, оила ва гендер масалаларига оид ҳуқуқий билимларни янада такомиллаштириш, суд-ҳуқуқ тизимида хотин-қизларнинг профессионал салоҳиятини рўёбга чиқариш ҳамда ушбу йўналишдаги тадқиқотларни ривожлантиришга хизмат қилади.

Одил судлов академияси ректори Sh.Abduqodirov ва масъуллар иштирокида Илмий тадқиқотларни мувофиқлаштириш бўлими фаолияти яқиндан ўрганилди.Ўрганишда бўлим томонидан илмий-тадқиқот ишларини мувофиқлаштириш, тадқиқотчилар фаолиятини қўллаб-қувватлаш ҳамда илмий изланишлар самарадорлигини ошириш борасида амалга оширилаётган ишлар таҳлил қилинди.Илмий-тадқиқот фаолиятини янада такомиллаштириш, тадқиқотчилар учун зарур шарт-шароитларни яратиш, илмий ишларнинг сифатини ошириш ҳамда илмий салоҳиятдан самарали фойдаланиш масалаларига алоҳида эътибор қаратилди.Шунингдек, бўлим фаолиятини ривожлантириш ва илмий-тадқиқот ишларини янада самарали ташкил этиш юзасидан ходимларга тегишли таклиф ва тавсиялар берилди.

Одил судлов академияси ректори бошчилигидаги масъул ходимлар томонидан Ахборот-ресурс марказининг 2026–2027-ўқув йилига тайёргарлик ҳолати ўрганилди. Хусусан, марказнинг моддий-техник базаси, китоб фонди, ўқув жараёнини зарур адабиётлар билан таъминлаш ҳолати ҳамда электрон ресурслардан фойдаланиш имкониятлари кўздан кечирилди.Шунингдек, марказда амалга оширилаётган янги лойиҳалар ҳамда “Электрон кутубхона” платформаси фаолияти, Ахборот-ресурс маркази орқали фойдаланиш имконияти яратилган миллий ва хорижий илмий маълумотлар базаларидан самарали фойдаланиш масалалари таҳлил қилинди.Янги ўқув йилида марказ фаолиятини янада такомиллаштириш, электрон ресурслардан фойдаланиш имкониятларини кенгайтириш ва моддий-техник базани мустаҳкамлаш юзасидан тегишли кўрсатма ва топшириқлар берилди.

Одил судлов академияси ўқитувчиси З.Омонов ва Олий суд судьяси С.Таганов иштирокида судьялар учун мураккаб тоифадаги ишлар юзасидан онлайн қисқа муддатли малака ошириш курси ташкил этилди. Курс доирасида Қорақалпоғистон Республикаси, вилоятлар, Тошкент шаҳри, туман ва шаҳар жиноят ишлари бўйича судлар судьялари учун дарс машғулоти ўтказилди.Машғулот “Гиёҳвандлик воситалари, уларнинг аналоглари ёки психотроп моддаларни телекоммуникация тармоқларидан, шунингдек, Интернет жаҳон ахборот тармоғидан фойдаланиб ўтказиш билан боғлиқ жиноятлар учун жавобгарлик” мавзусига бағишланди.

Ўзбекистон Республикаси Одил судлов академияси ректори Sh.Abduqodirov Про Боно юридик клиникасида бўлиб, клиника фаолияти, иш жараёнининг ташкил этилиши, фаолият йўналишлари ҳамда фуқароларга бепул ҳуқуқий ёрдам кўрсатиш амалиёти билан яқиндан танишди. 📱 Клиника фаолиятининг таълимни реал юридик амалиёт билан уйғунлаштиришдаги аҳамиятига алоҳида эътибор қаратилди. Хусусан, фуқароларнинг мурожаатларини таҳлил қилиш, ҳуқуқий вазиятларни квалификация қилиш, бузилган ҳуқуқларни ҳимоя қилишнинг мақбул усулларини аниқлаш ҳамда зарур ҳуқуқий ҳужжатларни тайёрлаш жараёнлари муҳокама қилинди.Ректор фуқарони шахсан қабул қилиб, унинг мурожаати юзасидан ҳуқуқий маслаҳат берди. Бу эса аниқ ҳуқуқий муаммоларни ҳал этишда амалий ва инсон манфаатларига йўналтирилган ёндашувнинг муҳим намунасидир.📌 Юридик клиника — бу нафақат ижтимоий лойиҳа. У келажакдаги профессионал кадрларни амалиётга тайёрлаш, аҳолининг ҳуқуқий саводхонлигини ошириш ҳамда Академиянинг жамият билан бевосита алоқасини таъминлашга хизмат қиладиган муҳим амалий майдондир.

Академик ҳалоллик ва этик юксалиш кенгаши томонидан “Академик ҳалоллик — умумий масъулият” мавзусида семинар-тренинг ўтказилди. Семинар-тренинг академик ҳалоллик тамойилларига қатъий риоя этиш, таълим ва илмий фаолиятда масъулиятни янада кучайтириш масалаларига бағишланди.Академия профессор-ўқитувчилари ва докторантлари иштирок этган тадбирда Кенгаш фаолияти, ўқув ва илмий адабиётларни тақдим этиш тартиби ҳамда Академик ҳалоллик сиёсатининг мазмун-моҳияти ҳақида батафсил маълумот берилди.

Ўзбекистон Республикаси Президентининг 2025 йил 21 августдаги “Одил судлов соҳасида юқори малакали кадрлар тайёрлаш тизимини тубдан такомиллаштириш чора-тадбирлари тўғрисида”ги ПФ–141-сон Фармонининг 8-бандига мувофиқ, амалдаги судьялар учун Олий суд томонидан белгиланадиган мураккаб тоифадаги ишлар юзасидан малака ошириш курсларини ташкил этиш белгиланган. Мазкур Фармон ижросини таъминлаш мақсадида Ўзбекистон Республикаси Одил судлов академиясида амалдаги судьялар учун онлайн қисқа муддатли малака ошириш курслари бошланди.Жумладан, фуқаролик ишлари бўйича судлар судьялари учун “Эр-хотин ўртасидаги умумий мулкни бўлишга оид низоларни судда кўриш амалиёти”, иқтисодий судлар судьялари учун эса “Давлат харидлари юзасидан келиб чиқадиган низолар” мавзуларида ўқув машғулотлари ташкил этилди.Ўқув машғулотлари Академия доценти E.Sabirov, Олий суд судьяси Ў.Разиков, Академия ўқитувчиси R.Berdiyarov ҳамда Наманган вилоят суди раисининг ўринбосари B.Isroilov томонидан олиб борилди.Ушбу курслар судьялар томонидан мураккаб тоифадаги ишларни кўриб чиқишда ягона суд амалиётини шакллантириш, қонунчиликни тўғри қўллаш ҳамда касбий билим ва кўникмаларни янада мустаҳкамлашга хизмат қилади.