Bugun Akademiyada yangi o‘quv yiliga tayyorgarlik holati va ijro intizomi masalalariga bag‘ishlangan xodimlar yig‘ilishi o‘tkazildi. Yig‘ilishda dastlab yangi o‘quv yilini yuqori saviyada tashkil etish va ta’lim jarayoniga tayyorgarlik holati yuzasidan Akademiyaning o‘quv-uslubiy ishlar bo‘yicha prorektori D.Aripovning ma’ruzasi tinglandi. Unda o‘quv jarayonini samarali tashkil etish, mavjud tayyorgarlik holati hamda yangi o‘quv yilida amalga oshirilishi lozim bo‘lgan ustuvor vazifalar muhokama qilindi.Shuningdek, ijro intizomini yanada mustahkamlash, belgilangan vazifalarning o‘z vaqtida va sifatli ijrosini ta’minlash masalalari bo‘yicha Malaka oshirish va qayta tayyorlash fakulteti dekani X.Azizovning hisoboti tinglandi.Muhokamalar yakunida mas’ullarga tegishli vazifalar belgilab berilib, ularning o‘z vaqtida va samarali ijrosini ta’minlash yuzasidan zarur ko‘rsatmalar berildi.Shuningdek, yig‘ilish davomida Akademiya jamoasi safiga yangi qo‘shilgan xodimlar tanishtirildi va ularga kelgusi faoliyatida muvaffaqiyatlar tilandi.

O‘zbekiston Milliy axborot agentligi — O‘zAda Odil sudlov akademiyasi prorektori Dilshod Aripovning O‘zbekiston Respublikasi Prezidentining 2026-yil 14-avgustdagi “Odil sudlov – 2030”: Yangi O‘zbekistonda inson huquqlarini ishonchli himoya qiluvchi xalqchil va adolatli sud tizimini barpo etish strategiyasi to‘g‘risida”gi Farmonida sud kadrlarini tayyorlash va ularning malakasini oshirish tizimini yangi bosqichga olib chiqish bo‘yicha belgilangan vazifalarga bag‘ishlangan intervyusi e’lon qilindi. Intervyuda sud kadrlarini tayyorlashning uzluksiz Pipeline modelini joriy etish, kasbiy kompetensiyalar profilini shakllantirish, Akademiyani xalqaro standartlar asosida transformatsiya qilish, Forsayt markazi, Endaument fondi va Alumni Association faoliyatini yo‘lga qo‘yish, Micro-learning va “Judge-edu” Telegram-boti imkoniyatlaridan keng foydalanish, shuningdek, sudyalar va sud apparati xodimlarining xorijdagi stajirovkalarini tizimli tashkil etish kabi ustuvor yo‘nalishlar haqida so‘z yuritilgan. Batafsil: https://uza.uz/posts/899892

Avval xabar berganimizdek, bugun Akademiyaga mustaqil izlanuvchilikka talabgorlarni tanlab olish maqsadida ixtisoslik bo‘yicha suhbat o‘tkazildi.Suhbat jarayonida talabgorlarning tanlagan ilmiy yo‘nalishi bo‘yicha nazariy bilimlari, tadqiqot olib borish salohiyati, ilmiy muammoni tahlil qilish va asoslantirish ko‘nikmalari, shuningdek, rejalashtirilayotgan tadqiqot mavzusining dolzarbligi va amaliy ahamiyati baholandi.

Maqolada Odil sudlov akademiyasida amalga oshirilayotgan institutsional va ta’limiy islohotlar, “Smart Library”, “Raqamli akademiya” — E-Academy, xalqaro ilmiy hamkorlik va akademik halollikni mustahkamlashga qaratilgan tashabbuslar, shuningdek, “Odil sudlov – 2030” strategiyasining “Xalqchil sud”, “Adolat qo‘rg‘oni”, “Kafolatlangan adolat”, “Adolat posbonlari”, “Raqamli odil sudlov” va “Xalqaro e’tirof” yo‘nalishlari tahlil qilingan. Shuningdek, uzluksiz kasbiy rivojlanishning “Pipeline model”i, kasbiy kompetensiyalar profili, sudyalarni ixtisoslashtirish va sertifikatsiyalash, Forsayt markazi, Alumni Association va Endowment Fundni tashkil etish kabi istiqboldagi ustuvor vazifalarga alohida e’tibor Batafsil: https://uza.uz/posts/898724

Prezidentimizning O‘zbekiston Respublikasi mustaqilligining 35 yilligi munosabati bilan imzolagan Farmonlariga muvofiq sud-huquq tizimi xodimlari ham davlat mukofotlari bilan taqdirlandilar.Mazkur mukofotlar ularning o‘z kasbiga sadoqati, samarali mehnati, soha rivojiga qo‘shayotgan munosib hissasi hamda fidokorona xizmatlarining e’tirofidir.Ularni ushbu munosib natijalar bilan samimiy muborakbod etamiz!

O‘zbekiston Milliy axborot agentligi — O‘zA saytida O‘zbekiston Respublikasi Odil sudlov akademiyasi rektori, yuridik fanlar doktori Sherzod Abduqodirov bilan Akademiyada amalga oshirilayotgan islohotlar va sud kadrlarini tayyorlash tizimidagi yangiliklarga bag‘ishlangan suhbat e’lon qilindi. Suhbatda, “Odil sudlov – 2030” strategiyasida belgilangan ustuvor vazifalar, xususan, “Adolat posbonlari” yo‘nalishi doirasida sud tizimi uchun uzluksiz kadrlar tayyorlashning “Pipeline model”ini joriy etish, sudyalikka nomzodlar, sudyalar va sud apparati xodimlarining kasbiy kompetensiyalar profilini shakllantirish, murakkab toifadagi ishlar bo‘yicha sudyalarni ixtisoslashtirish va sertifikatsiya tizimini yo‘lga qo‘yish masalalari haqida so‘z yuritildi. Shuningdek, Alumni Association, Forsayt markazi va Endowment Fundni tashkil etish, Akademiyaning xalqaro nufuzini oshirish hamda sud kadrlarini tayyorlash tizimini zamonaviy talablar asosida rivojlantirishga qaratilgan vazifalarga alohida e’tibor qaratildi. Batafsil: https://xs.uz/kr/news/-b39ab8d6

Bugun Indoneziyaning nufuzli ta’lim va ilmiy muassasalari bilan hamkorlik yo‘lga qo‘yilib, Akademiyaning xalqaro aloqalari yana bir muhim yo‘nalishda kengaydi.Akademiyada Indoneziyaning nufuzli oliy ta’lim muassasalari va ilmiy nashrlari vakillaridan iborat delegatsiya bilan uchrashuv bo‘lib o‘tdi.Uchrashuvda Universitas Sebelas Maret, Universitas Slamet Riyadi, Universitas Muhammadiyah Sidoarjo hamda boshqa ta’lim va ilmiy muassasalar vakillari ishtirok etdi.Muloqot davomida xalqaro ilmiy hamkorlikni rivojlantirish, huquq sohasidagi ilmiy jurnallar faoliyatini takomillashtirish, maqolalarni xalqaro ma’lumotlar bazalarida indeksatsiya qilish, tahririyatlararo hamkorlik va qo‘shma ilmiy tadqiqotlarni kengaytirish masalalari muhokama qilindi.Uchrashuv doirasida Odil sudlov akademiyasi hamda Universitas Slamet Riyadi (UNISRI) Surakarta Huquq fakulteti va Universitas Muhammadiyah Sidoarjo o‘rtasida Anglashuv memorandumlari imzolandi.

Sudyaning kasbiy faoliyati yuksak mas’uliyat, xolislik, vazminlik va kuchli ruhiy barqarorlikni talab etadi. Chunki sud jarayonida qabul qilinadigan har bir qaror inson taqdiri, jamiyat manfaatlari va qonun ustuvorligi bilan chambarchas bog‘liq. Surunkali stress, ruhiy zo‘riqish va kasbiy charchoq esa insonning diqqat-e’tibori, hissiy holati hamda murakkab vaziyatlarda oqilona qaror qabul qilish qobiliyatiga salbiy ta’sir ko‘rsatishi mumkin.Shu bois, 2026-yil 19-avgust kuni Andijon viloyatida Odil sudlov akademiyasi ekspert va psixologlari ishtirokida sudyalar uchun psixologik seminar-trening tashkil etildi.Treningning asosiy maqsadi — sudyalarning kasbiy faoliyatida ruhiy barqarorlikni mustahkamlash, stressli vaziyatlarni to‘g‘ri boshqarish, hissiy zo‘riqishlarning oldini olish hamda murakkab holatlarda xolis va vazmin qaror qabul qilish ko‘nikmalarini rivojlantirishdan iborat bo‘ldi.Mashg‘ulotlar davomida:🔹 stressni boshqarish va ruhiy zo‘riqishni kamaytirish;🔹 emotsional intellektni rivojlantirish;🔹 murakkab vaziyatlarda o‘zini boshqarish va vazminlikni saqlash;🔹 kasbiy charchoqning oldini olish;🔹 ish va shaxsiy hayot o‘rtasida sog‘lom muvozanatni ta’minlash masalalariga alohida e’tibor qaratildi.Amaliy va interaktiv mashqlar asosida tashkil etilgan trening ishtirokchilarga nafaqat nazariy bilimlarni mustahkamlash, balki kundalik kasbiy faoliyatda qo‘llash mumkin bo‘lgan samarali psixologik usullarni o‘zlashtirish imkonini berdi.

Akademiyada Turkiya Hamkorlik va Muvofiqlashtirish Agentligi (TİKA)ning O‘zbekistondagi vakolatxonasi rahbari Esin Ajar Ergin xonim bilan uchrashuv bo‘lib o‘tdi. Uchrashuvda Akademiya va TIKA o‘rtasidagi mavjud hamkorlikni yanada rivojlantirish, sudyalarni tayyorlash va ularning malakasini oshirish, zamonaviy sud ta’limi tajribasini o‘rganish, akademik almashinuvlarni kengaytirish, qo‘shma ta’lim va ilmiy-tadqiqot loyihalarini amalga oshirish masalalari muhokama qilindi.Shuningdek, Turkiyaning sud ta’limi sohasidagi ilg‘or tajribasini o‘rganish hamda ikki tomonlama tajriba almashinuvini kengaytirishga alohida e’tibor qaratildi.Uchrashuv yakunida tomonlar hamkorlikni uzoq muddatli va samarali sheriklik asosida davom ettirish, yangi qo‘shma tashabbuslar va amaliy loyihalarni amalga oshirishga tayyor ekanliklarini bildirdilar.