Mazkur nufuzli tadbirda Turkiya, Ozarbayjon, Qozog‘iston va Qirg‘iziston sudyalar kengashlari rahbarlari boshchiligidagi delegatsiyalar hamda Turkiy davlatlar tashkiloti Bosh kotibi ishtirok etdi.Yig‘ilishda O‘zbekiston Respublikasi Prezidenti tomonidan xalqaro tadbir ishtirokchilariga yo‘llangan murojaat o‘qib eshittirildi.Tadbirda O‘zbekiston Respublikasi Odil sudlov akademiyasi rektori Sh.Abduqodirov boshchiligidagi mas’ullar ham ishtirok etdi.Muhokamalar davomida turkiy davlatlar sud tizimida odob-axloq normalarining umumiy standartlarini joriy etish, sudyalarni tayyorlash samaradorligini oshirish, sud tizimini raqamlashtirish orqali odil sudlov imkoniyatlarini kengaytirish hamda ushbu yo‘nalishlarda xalqaro hamkorlikni rivojlantirish masalalariga alohida e’tibor qaratildi.

✅ 12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq ixtisosligi bo‘yicha – 2026-yil 25 - may kuni soat 14:30 da;✅ 12.00.04 - Fuqarolik protsessual huquqi. Iqtisodiy protsessual huquqi. Hakamlik jarayoni va mediatsiya ixtisosligi bo‘yicha - 2026-yil 25 - may kuni soat 16:00 da;✅ 12.00.07 - Sud hokimiyati. Prokuror nazorati. Huquqni muhofaza qilish faoliyatini tashkil etish. Advokatura. ixtisosligi bo‘yicha - 2026-yil 21 - may kuni soat 10:00 da;✅ 12.00.09 - Jinoyat protsessi. Kriminalistika. Tezkor-qidiruv huquq va sud ekspertizasi ixtisosliklari bo‘yicha - 2026-yil 21- may kuni soat 15:00 da;✅ 12.00.08 - Jinoyat huquqi. Jinoyat-ijroiya huquqi ixtisosligi bo‘yicha - 2026-yil 22- may kuni soat 16:00 da.✅Ma’lumot uchun: . Imtihon topshiruvchilar malakaviy imtihonlarga oʻz shaxsini tasdiqlovchi hujjati asosida kiritiladi!

👤Tayyorlash kursiga o‘ttiz to‘rt yoshdan kichik bo‘lmagan (joriy yilning 31 dekabr kuniga qadar o‘ttiz to‘rt yoshga to‘ladigan), oliy yuridik maʼlumotga va yuridik ixtisosligi bo‘yicha kamida yetti yillik ish stajiga ega bo‘lgan O‘zbekiston Respublikasi fuqarolari qabul qilinadi.    Sudyalik lavozimlariga nomzodlarni tayyorlash Akademiyaning olti oylik kasbiy qayta tayyorlash kurslarida davlat granti asosida sud ixtisosliklari bo‘yicha tashkil etiladi. Qayta tayyorlash kursiga kirishda talabgorlar quyidagi hujjatlarni taqdim etishlari lozim:– Qayta tayyorlash kursi ixtisosligi yo‘nalishini hamda test topshiradigan xorijiy tilni ko‘rsatgan holda Akademiya rektori nomiga ariza;- shaxsni tasdiqlovchi hujjat (pasport yoki ID shaxs guvohnomasi) nusxasi;– maʼlumotnoma-obyektivka (yozma va elektron shaklda);– tayanch oliy yuridik maʼlumot to‘g‘risidagi bakalavr diplomi (taʼlim yo‘nalishi: yurisprudensiya; taʼlim shifri: 5240100 yoki 5380100) va ilovasining asli va nusxasi yoki tashkilotning kadrlar bo‘limida tasdiqlangan nusxalari, agar diplom tan olingan (nostrifikatsiya qilingan) bo‘lsa, bu haqdagi hujjat nusxasi (bunda diplomning asli nusxasi bilan solishtirilib, egasiga qaytariladi);– mehnat daftarchasining notarial tasdiqlangan yoki tashkilotning kadrlar bo‘limida tasdiqlangan nusxasi yoki my.gov.uz interaktiv xizmatlari orqali olingan va maxsus kod (QR-kod) mavjud bo‘lgan elektron nusxasi;– O‘zbekiston Respublikasi Sudyalar oliy kengashining 2026 yil 19 fevraldagi 2108-sonli qarori bilan tasdiqlangan shakldagi tibbiy xulosa (086-1 shakl). Talabgorlardan ariza va hujjatlar 2026 yil 16 may soat 09:00 dan 5  iyun soat 18:00 ga qadar qabul qilinadi.    Ariza va hujjatlar viloyat va unga tenglashtirilgan sudlar sudyalari malaka hayʼatlari yoki bevosita Qabul komissiyasiga talabgor tomonidan yozma shaklda taqdim etilishi mumkin. Eslatma: Ariza va hujjatlar talabgorning shaxsan o‘zi tomonidan topshirilishi lozim. Talabgordan boshqa shaxslar tomonidan taqdim qilingan hujjatlar qabul qilinmaydi. Maʼlumot uchun Tel: +998 (55) 501-02-40Manzil: Toshkent shahar, Chilonzor tumani, Cho‘ponota ko‘chasi, 6-uy. Qabul komissiyasi

Bugun O‘zbekiston Respublikasi Odil sudlov akademiyasi hamda Toshkent davlat yuridik universiteti o‘rtasida hamkorlik memorandumini imzolash marosimi bo‘lib o‘tdi.Tadbir avvalida tomonlar o‘rtasidagi istiqbolli hamkorlik yo‘nalishlari muhokama qilinib, ta’lim va ilmiy faoliyatni yanada rivojlantirishga qaratilgan qator taklif va tashabbuslar ilgari surildi.Xususan:• talabalarning amaliyotini samarali tashkil etish;• kazuslar va imitasion mashg‘ulotlarni hamkorlikda o‘tkazish;• qo‘shma magistratura dasturlarini yo‘lga qo‘yish;• xalqaro hamkorlikni kengaytirish;• normativ-huquqiy hujjatlar sharhlarini birgalikda tayyorlash;• ikki tomonning yetakchi mutaxassislari hamda professor-o‘qituvchilari o‘rtasida o‘zaro tajriba almashish jarayonlarini tashkil etish kabi masalalar yuzasidan fikr almashildi.Uchrashuv davomida hamkorlikning har ikki tomon uchun manfaatli jihatlari alohida ta’kidlanib, o‘zaro ishonch va hamjihatlik ruhidagi fikrlar bildirildi.Tadbir yakunida O‘zbekiston Respublikasi Odil sudlov akademiyasi hamda Toshkent davlat yuridik universiteti o‘rtasida hamkorlik memorandumi imzolandi.

Bugun Odil sudlov akademiyasida “Sudga qadar ish yuritish bosqichida tergov sudyasi faoliyati bilan bog‘liq muammolar” mavzusida ilmiy-amaliy konferensiya tashkil etildi. ✅Odil sudlov akademiyasi tashabbusi bilan o‘tkazilgan mazkur anjumanda jinoyat-protsessual huquq sohasidagi dolzarb masalalar, tergov sudyasi institutining zamonaviy rivojlanish tendensiyalari hamda amaliyotdagi mavjud muammolar muhokama qilindi. ⏺Konferensiyada respublikaning yetakchi oliy ta’lim va ilmiy muassasalari vakillari, sud-huquq sohasi ekspertlari, professor-o‘qituvchilar, sudyalar hamda amaliyotchi mutaxassislar ishtirok etdi. 👤Tadbir davomida tergov sudyasi institutining rivojlanish istiqbollari, sudga qadar ish yuritishda tortishuv prinsipini ta’minlash, qonunchilik asoslarini takomillashtirish, xalqaro hamkorlikdagi o‘rni hamda institutning tarixiy-huquqiy jihatlari yuzasidan ma’ruzalar tinglandi. 🟦Shuningdek, Toshkent davlat yuridik universiteti, Qoraqalpoq davlat universiteti, Huquqni muhofaza qilish akademiyasi hamda Prezident huzuridagi Qonunchilik va huquqiy siyosat instituti mutaxassislari o‘z fikr-mulohazalari va takliflari bilan ishtirok etdi. 📱Konferensiya yakunida tergov sudyasi institutini yanada rivojlantirishga doir taklif va tavsiyalar ishlab chiqilishi qayd etildi.

Joriy yilning 5–6-may kunlari Toshkent shahrida “Turkiy davlatlarda sud-huquq ta’limi va odil sudlov: raqamli transformatsiya hamda ilg‘or tajribalar sari integratsiya” mavzusidagi nufuzli xalqaro forum bo‘lib o‘tdi. Mazkur xalqaro tadbir O‘zbekiston Respublikasi Odil sudlov akademiyasi tomonidan tashkil etildi. Forumda O‘zbekiston, Ozarbayjon, Qozog‘iston, Qirg‘iziston va Turkiya davlatlarining sud-huquq ta’limi muassasalari, bosh prokuraturalar huzuridagi ta’lim muassasalari, shuningdek xalqaro tashkilotlar hamda ekspertlar ishtirok etdi. Forum doirasida sud-huquq tizimini modernizatsiya qilish, sudyalar korpusini tayyorlash va qayta tayyorlashda zamonaviy yondashuvlarni joriy etish, shuningdek sud-huquq ta’limini xalqaro standartlar asosida rivojlantirish masalalariga alohida e’tibor qaratildi. Tadbir davomida ishtirokchilar tomonidan sohada raqamli transformatsiyani jadallashtirish, ilg‘or xorijiy tajribalarni joriy etish hamda o‘zaro hamkorlikni mustahkamlash yuzasidan fikr almashildi. Ta’kidlanganidek, keyingi yillarda mamlakatimizda sud-huquq sohasida keng ko‘lamli islohotlar amalga oshirilib, sud mustaqilligini ta’minlash, odil sudlov sifatini oshirish hamda sudyalarni tayyorlash tizimini xalqaro standartlar asosida takomillashtirish ustuvor yo‘nalishlardan biri etib belgilangan. Forum doirasida “Ta’lim jarayonida raqamli texnologiyalardan foydalanish amaliyoti”, “Sudyalarni tayyorlash va malakasini oshirishda xalqaro standartlar hamda ilg‘or yondashuvlar”, “Sudya va huquqni muhofaza qilish organlari kadrlarini tayyorlashda zamonaviy pedagogik usullardan samarali foydalanish istiqbollari” kabi dolzarb mavzularda sessiyalar tashkil etildi. Sessiyalar davomida ishtirokchi davlatlar vakillari tomonidan sud-huquq ta’limi tizimida raqamli yechimlarni joriy etish, elektron ta’lim platformalarini rivojlantirish, sudyalar malakasini oshirishda innovatsion usullarni qo‘llash hamda xalqaro hamkorlikni kengaytirish masalalari yuzasidan ma’ruzalar taqdim etildi. Forum yakunida turkiy davlatlar sud-huquq kadrlarini tayyorlash muassasalari rahbarlari tomonidan qo‘shma bayonnoma imzolandi. Mazkur hujjat o‘zaro hamkorlikni yanada mustahkamlash, tajriba almashish va qo‘shma ta’lim dasturlarini amalga oshirish uchun muhim asos bo‘lib xizmat qiladi. Xalqaro forumning ikkinchi kuni xorijiy delegatsiyalar a’zolarining O‘zbekiston Respublikasi Odil sudlov akademiyasiga tashrifi tashkil etildi. Mehmonlar Akademiya faoliyati, o‘quv jarayoni, ilmiy tadqiqot ishlari hamda zamonaviy infratuzilma bilan yaqindan tanishdilar. Tashrif davomida Akademiyada joriy etilgan “Elektron ta’lim” dasturiy ta’minoti, o‘quv rejalari va ilmiy faoliyatga oid taqdimotlar o‘tkazildi. Ayniqsa, bo‘lajak sudyalarning psixologik portretini shakllantirish bo‘yicha ilg‘or yondashuvlar ishtirokchilarda katta qiziqish uyg‘otdi. Shuningdek, tadbir doirasida O‘zbekiston Respublikasi Odil sudlov akademiyasi hamda Ozarbayjon Respublikasi Adliya akademiyasi o‘rtasida anglashuv memorandumi imzolandi. Ushbu hujjat ikki davlat o‘rtasida sud-huquq ta’limi sohasidagi hamkorlikni yangi bosqichga olib chiqishga xizmat qiladi. Forum yakunida ishtirokchilar uchun O‘zbekistonning boy tarixiy va madaniy merosi bilan tanishish maqsadida madaniy dastur tashkil etildi. Xususan, Islom sivilizatsiyasi markazi hamda Samarqand shahridagi tarixiy obidalarga tashrif buyurildi. Umuman olganda, mazkur xalqaro forum sud-huquq ta’limi sohasidagi zamonaviy tendensiyalarni muhokama qilish, ilg‘or tajribalarni o‘rganish hamda turkiy davlatlar o‘rtasidagi o‘zaro hamkorlikni yanada mustahkamlashda muhim ahamiyat kasb etdi.

Joriy yilning 5–6-may kunlari Toshkent shahrida “Turkiy davlatlarda sud-huquq ta’limi va odil sudlov: raqamli transformatsiya hamda ilg‘or tajribalar sari integratsiya” mavzusidagi nufuzli xalqaro forum bo‘lib o‘tadi. O‘zbekiston Respublikasi Odil sudlov akademiyasi tomonidan tashkil etilayotgan ushbu xalqaro forumda Ozarbayjon, Qozog‘iston, Qirg‘iziston va Turkiyaning sud-huquq ta’limi muassasalari vakillari ishtirok etadi. Forum doirasida sudyalarni tayyorlash va malakasini oshirish, raqamli texnologiyalarni joriy etish hamda zamonaviy pedagogik yondashuvlar yuzasidan ma’ruzalar va tajriba almashishlar o‘tkaziladi. Shuningdek, ishtirokchilarning Odil sudlov akademiyasiga tashrifi rejalashtirilgan bo‘lib, ular akademiya faoliyati va yaratilgan shart-sharoitlar bilan yaqindan tanishadilar.

2026-yil 28-aprel kuni Odil sudlov akademiyasida O‘zbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi bilan hamkorlikda sud organlari axborot xizmatlari xodimlari va sudyalar uchun “Media-kommunikatsiya va inqirozli vaziyatlarda ishlash” mavzusidagi maxsus ikki kunlik o‘quv kursi o‘z ishini boshladi. 60 nafardan ortiq tinglovchini o‘zida jamlagan ushbu anjumanda sud organlari matbuot kotiblari, axborot xizmati vakillari, shuningdek, mediada faol sudyalar zarur bilim va ko‘nikmalarni egallashga muvaffaq bo‘ladilar.

O‘zbekiston Respublikasi Odil sudlov akademiyasida “Raqamli odil sudlov: xalqaro standartlar, axborot xavfsizligi va inson huquqlari” mavzusidagi xalqaro o‘quv kursi muvaffaqiyatli yakunlandi. Uch kun davom etgan mazkur o‘quv dasturi doirasida ishtirokchilar xalqaro huquq standartlari, sud tizimida korrupsiyaga qarshi kurashish mexanizmlari, raqamli kriminalistika, kiberjinoyatlarning oldini olish va ularni aniqlash, shuningdek, raqamli dalillar bilan ishlashning zamonaviy usullari bo‘yicha bilim va ko‘nikmalarini mustahkamlash imkoniga ega bo‘ldilar. ⚔️O‘quv mashg‘ulotlari davomida tinglovchilar uchun nazariy bilimlar bilan bir qatorda amaliy mashg‘ulotlar, interaktiv muhokamalar va tajriba almashuvlar tashkil etildi. Bu esa ishtirokchilarning sud-huquq sohasidagi zamonaviy yondashuvlarni chuqurroq anglashiga xizmat qildi. 🏆Kurs yakunida ishtirokchilarga sertifikatlar topshirildi. Tadbir davomida ishtirokchilar o‘quv kursining yuqori saviyada tashkil etilgani, mazmunan boy va dolzarb mavzular qamrab olinganini alohida ta’kidlab, tashkilotchilarga samimiy minnatdorlik bildirdilar. Shuningdek, ular sud-huquq tizimidagi islohotlar, raqamli transformatsiya jarayonlari hamda xalqaro hamkorlikni rivojlantirish borasidagi ishlarni yuqori baholadilar. 📈Mazkur xalqaro o‘quv kursi sud-huquq sohasida ilg‘or tajriba almashish, zamonaviy bilim va ko‘nikmalarni shakllantirish hamda ishtirokchilar o‘rtasida mustahkam professional aloqalarni o‘rnatishda muhim ahamiyat kasb etdi.