O‘zbekiston Respublikasi Odil sudlov akademiyasida "O‘zbekiston Respublikasida mediatsiya institutini rivojlantirish: xalqaro standartlar, sud amaliyoti va qonunchilikni takomillashtirish masalalari" mavzusida xalqaro qo‘shma davra suhbati tashkil etildi. Davra suhbatida mediatsiya institutini rivojlantirishning zamonaviy yo‘nalishlari, xalqaro tajribani milliy amaliyotga joriy etish, nizolarni muqobil hal etish mexanizmlarini takomillashtirish, shuningdek, sud amaliyoti va amaldagi qonunchilikni yanada rivojlantirish masalalari yuzasidan fikr almashildi.Tadbir davomida soha mutaxassislari va ekspertlar tomonidan mediatsiyaning huquqiy tizimdagi o‘rni, uning samaradorligini oshirish hamda xalqaro standartlarni milliy amaliyotga implementatsiya qilish bo‘yicha taklif va tavsiyalar bildirildi.

O‘zbekiston Respublikasi Prezidentiнинг 2025-yil 21-avgustdagi PF–141-son Farmoni ijrosini ta’minlash maqsadida O‘zbekiston Respublikasi Odil sudlov akademiyasi hamda Qurilish va uy-joy kommunal xo‘jaligi vazirligi hamkorligida vazirlik tizimida faoliyat yuritayotgan yuridik kadrlar uchun qisqa muddatli pulli malaka oshirish kurslari boshlandi. Mazkur o‘quv dasturi yuridik kadrlarning zamonaviy qonunchilik, huquqni qo‘llash amaliyoti hamda davlat boshqaruvida yuridik xizmat faoliyatiga oid bilim va ko‘nikmalarini yanada rivojlantirishga qaratilgan.Kurslar davomida tinglovchilarga sohaga oid normativ-huquqiy hujjatlardagi yangiliklar, huquqiy tavakkalchiliklarni boshqarish, shartnomaviy-huquqiy munosabatlar, sud amaliyoti hamda huquqiy ekspertizaning dolzarb masalalari bo‘yicha nazariy va amaliy mashg‘ulotlar o‘tkaziladi.Mashg‘ulotlar O‘zbekiston Respublikasi Odil sudlov akademiyasi professor-o‘qituvchilari, shuningdek, Toshkent shahar va Toshkent viloyati sudlarida faoliyat yuritayotgan ko‘p yillik tajribaga ega sudyalar ishtirokida olib boriladi.Malaka oshirish kurslari interaktiv ta’lim usullari, keys-tahlillar va amaliy muhokamalar asosida tashkil etilib, ishtirokchilarning kasbiy kompetensiyalarini rivojlantirish hamda xizmat faoliyati samaradorligini oshirishga xizmat qiladi.

O‘zbekiston Respublikasi Odil sudlov akademiyasida Xalqaro yuristlar komissiyasi (ICJ) vakillari bilan uchrashuv bo‘lib o‘tdi. Muloqot davomida Akademiya va ICJ o‘rtasidagi hamkorlikni yanada rivojlantirish istiqbollari muhokama qilindi. Xususan, 2026–2027-o‘quv yilida Akademiya tinglovchilari uchun xalqaro huquq yo‘nalishida maxsus o‘quv kursini tashkil etish hamda mazkur kursga nufuzli xorijiy ekspertlarni, jumladan, Birlashgan Millatlar Tashkiloti ekspertlarini jalb etish masalalariga alohida e’tibor qaratildi.Shuningdek, uchrashuvda xalqaro odil sudlov standartlarini o‘quv jarayoniga joriy etish, sudyalar va sud tizimi mutaxassislarining xalqaro huquq sohasidagi bilim va ko‘nikmalarini mustahkamlash, qo‘shma ta’lim dasturlari hamda ilmiy-amaliy loyihalarni amalga oshirish masalalari yuzasidan fikr almashildi.Uchrashuv ochiq va konstruktiv ruhda o‘tib, tomonlar sud-huquq sohasida xalqaro tajribani keng joriy etish, o‘zaro manfaatli hamkorlikni yanada mustahkamlash hamda istiqbolda qo‘shma ta’lim va ekspertlik tashabbuslarini amalga oshirishga tayyor ekanliklarini bildirdilar.

O‘zbekiston Respublikasi Odil sudlov akademiyasi 2026/2027-o‘quv yili uchun 70420115 – "Sud faoliyati" mutaxassisligi bo‘yicha magistraturaga qabul e’lon qiladi.🗓 Qabul muddati: 2026-yil 1-iyuldan 30-iyulga qadar (30-iyul kuni ham).📄 Magistratura dasturi kunduzgi va kechki ta’lim shakllarida tashkil etilib, sud-huquq sohasida chuqur bilim va amaliy ko‘nikmalarga ega yuqori malakali mutaxassislarni tayyorlashga qaratilgan. 🎓 Dars mashg‘ulotlari sud tizimida ko‘p yillik ish tajribasiga ega bo‘lgan sudyalar, professor-o‘qituvchilar hamda xalqaro ekspertlar tomonidan olib boriladi. Bu esa tinglovchilarga nazariy bilimlar bilan bir qatorda real sud amaliyotiga asoslangan tajriba va ko‘nikmalarni ham egallash imkonini beradi.O‘quv jarayonida tinglovchilar sud amaliyotiga oid ish materiallari, protsessual hujjatlar va sud qarorlari bilan ishlash orqali ularni tahlil qilish hamda amalda qo‘llash ko‘nikmalarini shakllantiradilar.Odil sudlov akademiyasi magistraturasi zamonaviy bilim va yuksak kasbiy salohiyatga ega yuqori malakali kadrlar tayyorlash, sud-huquq sohasida ilmiy va amaliy salohiyatni rivojlantirishga xizmat qiladi.📌 Magistraturaga qabul qilish tartibi O‘zbekiston Respublikasi Vazirlar Mahkamasining 2026-yil 25-iyundagi 327-son qarori bilan tasdiqlangan Nizom asosida amalga oshiriladi.

Bugun Sudyalar oliy kengashining tashabbusi bilan 27 iyun — Matbuot va ommaviy axborot vositalari xodimlari kuniga bag‘ishlab, jurnalist va blogerlar uchun press-tur tashkil etildi.Press-turda Sudyalar oliy kengashi raisi X.Yodgorov ishtirokchilarni qutlab, mamlakatimiz taraqqiyotining yangi bosqichida amalga oshirilayotgan sud islohotlari, sohada ochiqlik va shaffoflikni ta’minlash borasida fikrlarini bildirdi.Respublikamizning barcha hududlaridan kelgan 50 ortiq ommaviy axborot vositalari vakillari Sudyalar oliy kengashida bo‘lib, sudyalik lavozimlariga eng munosib nomzodlarni tanlash va tayinlash jarayoniga axborot va kommunikatsiya texnologiyalarini joriy etish, sudyalarning faoliyatini reyting asosida baholab borish borasidagi raqamlashtirish bilan yaqindan tanishishdi.Cudyalar oliy kengashining sudyasi, Tashkiliy-nazorat va axborot-tahlil sho‘basi rahbari Xurshid Sodiqov press-tur ishtirokchilariga Kengash faoliyatining ochiqligini, ayniqsa sudyalarni lavozimga tayinlash jarayonidagi shaffoflikni ta’minlashga qaratilgan amaliy ishlar bo‘yicha batafsil ma’lumot berdi.Shundan so‘ng ishtirokchilar Odil sudlov akademiyasi faoliyati bilan yaqindan tanishdilar. Xususan, ularga sud imitatsiyasi xonasi, sudyalikka nomzodlarni psixologik tayyorlash jarayonlari hamda Axborot-resurs markazining imkoniyatlari namoyish etildi.Tadbir yakunida Sudyalar oliy kengashi tomonidan e’lon qilingan ijodiy tanlov g‘oliblari, faol jurnalist va blogerlar taqdirlandi. Shuningdek, OAV bilan hamkorlikni yanada rivojlantirish hamda sud-huquq sohasidagi islohotlarni keng jamoatchilikka yetkazish masalalari yuzasidan fikr-mulohazalar almashildi.Ijodiy tanlov g‘oliblari quyidagi nominatsiyalar bo‘yicha aniqlandi:«Eng yaxshi reportaj» — Mo‘tabar Nurmuhammedova, «Sevimli» telekanali «Zamon» dasturi muxbiri;«Eng yaxshi teleko‘rsatuv» — Gulayim Ganiyeva, Qoraqalpog‘iston Respublikasi sudining jamoatchilik va OAV bilan aloqalar bo‘yicha bosh konsultanti;«Eng yaxshi radioeshittirish» — Xolbibi Safarova, «Navoiy» radiokanali muharriri;«Eng yaxshi internet nashri materiali» — Muhammadqodir Sobirov;«Eng yaxshi bloger materiali» — Nurillo To‘xtasinov, Toshkent davlat yuridik universiteti katta o‘qituvchisi va mustaqil jurnalist;«Eng yaxshi maqola materiali» — Avazbek Xudoyqulov, «Yangi O‘zbekiston» gazetasi bo‘lim mudiri.Ayniqsa, ijodiy tanlovga ishtirok etgan va «eng yosh ishtirokchi» nominatsiyasi bo‘yicha g‘olib deb topilgan Samarqand viloyati Toyloq tumanidagi 9-sinf o‘quvchisi Zulayho Xursanmurodova ishtirokchilarning diqqatini tortdi. Endigina 15 yoshga to‘lgan Zulayho o‘zi mustaqil ravishda mamlakatimizda inson huquqlarini ta’minlash bo‘yicha amalga oshirilayotgan islohotlar to‘g‘risida radiolavha tayyorlab, tanlovga taqdim etgan. Ushbu tanlovda ishtirok etish men uchun katta tajriba maktabi bo‘ldi. Inson huquqlarini ta’minlash sohasida mamlakatimizda amalga oshirilayotgan islohotlar haqida radiolavha tayyorlash jarayonida ko‘plab yangi bilimlarga ega bo‘ldim. «Eng yosh ishtirokchi» nominatsiyasi g‘olibi deb topilganim men uchun katta sharaf va mas’uliyatdir. Menga bildirilgan ishonch uchun tashkilotchilarga minnatdorlik bildiraman. Bu e’tirof kelgusida yanada faol va ijodkor bo‘lishim uchun katta rag‘bat bo‘ldi, —deydi u.

Dastur davomida sud-huquq sohasida amalga oshirilayotgan islohotlar, sud tizimiga bo‘lgan ishonchni mustahkamlash, sudyalikka nomzodlarni tayyorlash jarayonlari hamda Odil sudlov akademiyasining bu boradagi o‘rni va faoliyati yuzasidan atroflicha fikr-mulohazalar bildirildi.Shuningdek, Akademiya mutaxassisi tomonidan sud tizimida kadrlar tayyorlash sifatini oshirish, zamonaviy yondashuvlarni joriy etish hamda amaliyot va nazariyani uyg‘unlashtirish masalalariga alohida e’tibor qaratildi.

O‘zbekiston Respublikasi Odil sudlov akademiyasida sudyalar uchun tashkil etilgan navbatdagi malaka oshirish kurslari muvaffaqiyatli yakunlandi. Jumladan, besh yil muddatga tayinlangan tumanlararo iqtisodiy sudlar sudyalari hamda ma’muriy sudlar sudyalari va muddatsiz davrga tayinlangan sudyalar (shu jumladan sud raislari) uchun an’anaviy ta’lim shaklida malaka oshirish kurslari nihoyasiga yetdi.Mashg‘ulotlar davomida tinglovchilar sud amaliyotidagi dolzarb masalalar, protsessual qonunchilikni qo‘llashning zamonaviy yondashuvlari, inson huquqlarini himoya qilishga oid xalqaro standartlar, sudyalik etikasi va psixologiyasi, shuningdek, sud tizimida axborot-kommunikatsiya texnologiyalari hamda sun’iy intellekt imkoniyatlaridan foydalanish masalalari bo‘yicha bilim va ko‘nikmalarini mustahkamladilar.Kurslar yakunida tinglovchilarga belgilangan namunadagi sertifikatlar topshirildi.

✅ Fuqarolik-huquqiy fanlar kafedrasi mudiri;✅ Iqtisodiy-huquqiy fanlar kafedrasi mudiri;✅ Maʼmuriy-huquqiy fanlar kafedrasi mudiri;✅ Kasbiy ko‘nikmalar kafedrasi mudiri;✅ Inson huquqlari, xalqaro huquq va ijtimoiy-gumanitar fanlar kafedrasi mudiri;✅ Fuqarolik-huquqiy fanlar kafedrasi o‘qituvchisi;✅ Iqtisodiy-huquqiy fanlar kafedrasi o‘qituvchisi;✅ Maʼmuriy-huquqiy fanlar kafedrasi o‘qituvchisi;✅ Kasbiy ko‘nikmalar kafedrasi o‘qituvchisi;✅ Inson huquqlari, xalqaro huquq va ijtimoiy-gumanitar fanlar kafedrasi o‘qituvchisi. Kafedra mudiri lavozimiga nomzod:– O‘zbekiston Respublikasi fuqarosi bo‘lishi;– oliy yuridik maʼlumot (magistr darajasi)ga hamda yuridik ixtisosligi bo‘yicha kamida o‘n ikki yil (qoida tariqasida, sudyalik lavozimida kamida besh yil) ish stajiga ega bo‘lishi;– falsafa doktori (PhD) yoki fan doktori (DSc) ilmiy darajasiga, shuningdek qoida tariqasida, professor yoki dotsent ilmiy unvoniga ega bo‘lishi;– rus va/yoki ingliz tilini bilishi;– AKTdan samarali foydalanish ko‘nikmasiga ega bo‘lishi talab etiladi. Kafedra o‘qituvchisi lavozimiga nomzod:– O‘zbekiston Respublikasi fuqarosi bo‘lishi;– oliy yuridik maʼlumot (magistr darajasi)ga hamda yuridik ixtisosligi bo‘yicha, kamida yetti yil (qoida tariqasida, kamida besh yil sudyalik lavozimida) ish stajiga ega bo‘lishi;– qoida tariqasida, falsafa doktori (PhD) yoki fan doktori (DSc) ilmiy darajasiga, shuningdek professor yoki dotsent ilmiy unvoniga ega bo‘lishi;– AKTdan samarali foydalanish ko‘nikmasiga ega bo‘lishi talab etiladi.– pedagogik ish stajiga ega bo‘lgan, yuridik yo‘nalishdagi oliy taʼlim muassasalarida o‘qituvchi hamda sudya bo‘lib ishlagan, xorijiy (rus, ingliz, nemis, fransuz) tillarini biladigan nomzodlar ustunlikka ega bo‘ladi. Talabgorlar tanlov asosida qabul qilinadi. Tanlov ikki bosqichdan: test sinovlari va ochiq dars mashg‘uloti o‘tkazishdan iborat. Test sinovlaridan muvaffaqiyatli o‘tgan shaxslar ikkinchi bosqich – ochiq dars mashg‘ulotlari o‘tkazishda qatnashadilar.🎓 Ochiq dars mashg‘uloti maʼruza shaklida Power Point Presentation/slaydlar yordamida o‘tkazilishi lozim.Eslatma: maʼruza (ochiq dars mashg‘uloti) mavzulari kafedralar predmetlari bo‘yicha o‘quv dasturlari talablariga muvofiq bo‘lishi kerak.🎓 Tanlovda ishtirok etish istagini bildirganlar Odil sudlov akademiyasining sudacademy@umail.uz, info@sudacademy.uz elektron pochtalariga yoki Odil sudlov akademiyasiga (100097, Toshkent shahri, Chilonzor tumani, Cho‘ponota ko‘chasi, 6-uy) quyidagi hujjatlarni yuborishlari so‘raladi:✅ ariza (qaysi lavozimga talabgor ekanligi, yashash manzili va telefon raqamini ko‘rsatgan holda);✅ maʼlumotnoma (obyektivka).🏆 Arizalar 2026-yil 29-iyun soat 17:00 ga qadar qabul qilinadi.Murojaat uchun Tel.: (55) 501-01-93.

O‘zbekiston Respublikasi Odil sudlov akademiyasida Yevropada xavfsizlik va hamkorlik tashkilotining (OSCE) O‘zbekistondagi Loyihalari koordinatori, elchi Antti Karttunen boshchiligidagi delegatsiya bilan uchrashuv bo‘lib o‘tdi. Uchrashuv davomida Akademiya rektori Sherzod Abduqodirov Akademiya faoliyati, sud-huquq tizimida amalga oshirilayotgan islohotlar hamda sudyalarni tayyorlash va ularning malakasini oshirish tizimini takomillashtirish borasida olib borilayotgan ishlar haqida ma’lumot berdi.Tomonlar Akademiya va YXHT o‘rtasida bugungi kunda yo‘lga qo‘yilgan samarali hamkorlikni yuqori baholab, xususan, respublika sudyalari uchun kiberjinoyatlarga qarshi kurash mavzusida muntazam ravishda tashkil etib kelinayotgan o‘quv-treninglarning ahamiyati va samaradorligini alohida ta’kidladilar.Shuningdek, uchrashuvda Akademiya va YXHT o‘rtasidagi hamkorlikning istiqbolli yo‘nalishlari muhokama qilinib, 2027–2028-yillarga mo‘ljallangan hamkorlik bo‘yicha Yo‘l xaritasini ishlab chiqish va tasdiqlash masalalari yuzasidan fikr almashildi. Elchi Antti Karttunen tomonidan sud-huquq sohasida salohiyatni oshirish, sudyalar uchun zamonaviy o‘quv dasturlarini tashkil etish hamda xalqaro tajribani joriy etishga qaratilgan hamkorlik yo‘nalishlari yuzasidan takliflar bildirildi.Uchrashuv ochiq va konstruktiv muloqot ruhida o‘tib, tomonlar o‘rtasidagi o‘zaro manfaatli hamkorlikni yanada kengaytirish va yangi qo‘shma tashabbuslarni amalga oshirishga tayyor ekanliklarini bildirdilar.