Ўзбекистон Республикаси Одил судлов академиясида Халқаро адолат ва қонун устуворлиги институти (ИИЖ, Малта) делегацияси билан учрашув бўлиб ўтди.

Учрашувда икки муассаса ўртасидаги ҳамкорликни янада ривожлантириш истиқболлари муҳокама қилиниб, хусусан, 2026-йил кузида Академия тингловчилари ва профессор-ўқитувчилари учун терроризм ҳамда кибержиноятчиликка қарши курашиш масалаларига бағишланган 7 кунлик халқаро тренингни ташкил этиш юзасидан фикр алмашилди.

Шунингдек, кадрлар салоҳиятини ошириш, илғор халқаро тажрибани таълим жараёнига жорий этиш, ўзаро англашув меморандумини имзолаш ҳамда қўшма таълим ва илмий-тадқиқот лойиҳаларини амалга ошириш истиқболлари кўриб чиқилди.

Учрашув якунида томонлар ўзаро манфаатли ҳамкорликни янада кенгайтириш ва янги қўшма ташаббусларни амалга оширишга тайёр эканликларини билдирдилар.