Туркий давлатлар ташкилоти Судялар кенгашлари раҳбарларининг IV йиғилиши Самарқанд шаҳрида бўлиб ўтди

25.05.2026 / 15:31
18
#

Мазкур нуфузли тадбирда Туркия, Озарбайжон, Қозоғистон ва Қирғизистон судялар кенгашлари раҳбарлари бошчилигидаги делегациялар ҳамда Туркий давлатлар ташкилоти Бош котиби иштирок этди.

Йиғилишда Ўзбекистон Республикаси Президенти томонидан халқаро тадбир иштирокчиларига йўлланган мурожаат ўқиб эшиттирилди.

Тадбирда Ўзбекистон Республикаси Одил судлов академияси ректори Ш.Абдуқодиров бошчилигидаги масъуллар ҳам иштирок этди.

Муҳокамалар давомида туркий давлатлар суд тизимида одоб-ахлоқ нормаларининг умумий стандартларини жорий этиш, судяларни тайёрлаш самарадорлигини ошириш, суд тизимини рақамлаштириш орқали одил судлов имкониятларини кенгайтириш ҳамда ушбу йўналишларда халқаро ҳамкорликни ривожлантириш масалаларига алоҳида эътибор қаратилди.

Boshqa yangiliklar