Пресс-тадбирлар

7.7. КЕНГ ЖАМОАТЧИЛИК ВА ОММАВИЙ АХБОРОТ ВОСИТАЛАРИ ИШТИРОКИДА ЎТКАЗИЛГАН ПРЕСС-ТАДБИРЛАР

2026-йил давомида ўтказилган тадбирлар тўғрисида умумлаштирилган маълумот

2026-йил давомида Ўзбекистон Республикаси Одил судлов академияси томонидан кенг жамоатчилик ва оммавий ахборот воситалари вакиллари иштирокида брифинг, пресс-тур, матбуот анжумани ҳамда коррупсияга қарши ҳамкорлик тадбири ўтказилди. Тадбирлар давомида Академия фаолиятининг очиқлиги ва шаффофлиги, коррупсиянинг олдини олиш, коррупсияга нисбатан муросасиз муносабатни шакллантириш, таълим жараёнини такомиллаштириш ҳамда амалга оширилаётган ислоҳотларни кенг жамоатчиликка етказиш масалалари муҳокама қилинди.

1. 2026-йил 10-апрелдаги брифинг

2026-йил 10-апрел куни Ўзбекистон Республикаси Одил судлов академиясида 2025/2026-ўқув йилида касбий қайта тайёрлаш курсларида ўқув жараёнининг ташкил этилишига бағишланган брифинг ўтказилди. Брифингда ўқув дастурлари, таълим йўналишлари, машғулотларни ташкил этиш тартиби, тингловчиларнинг назарий билим ва амалий кўникмаларини ривожлантириш, шунингдек, таълим жараёнида очиқлик, ҳалоллик ва коррупсияга нисбатан муросасиз муносабатни мустаҳкамлаш масалалари юзасидан ахборот берилди.

Видеоёзув: https://www.youtube.com/watch?v=5f-wPSJ2hMI

2. 2026-йил 4-июндаги коррупсияга қарши ҳамкорлик тадбири

Ўзбекистон Республикаси Одил судлов академияси ҳамда Ўзбекистон Республикаси Коррупсияга қарши курашиш агентлиги ўртасида ҳамкорлик меморандумини имзолаш тадбири ўтказилди. Унда коррупсияга қарши курашиш соҳасида кадрлар тайёрлаш, илмий-тадқиқот фаолиятини ривожлантириш, замонавий таълим дастурларини жорий этиш, коррупсияга нисбатан муросасиз муносабатни шакллантириш ва ўзаро тажриба алмашиш масалалари муҳокама қилинди. Тадбир икки ташкилот ахборот хизматлари вакиллари иштирокида ёритилиб, расмий ахборот ресурсларида кенг жамоатчиликка эълон қилинди.

Академия расмий сайти: https://sudacademy.uz/posts/yana-bir-muhim-memorandum-imzolandi

Коррупсияга қарши курашиш агентлиги расмий сайти: https://anticorruption.uz/uz/article/agentlik-va-odil-sudlov-akademiyasi-ortasidagi-hamkorlik-yanada-kengaytiriladi

Академиянинг расмий Телеграм канали: https://t.me/odilsudlovakademiyasi/5291

Меморандумни имзолаш жараёни

Академия ва Агентлик вакилларининг учрашуви

Ҳамкорлик меморандуми имзоланганидан сўнг

3. 2026-йил 25-июндаги пресс-тур

Судялар олий кенгаши ташаббуси билан 27-июн — Матбуот ва оммавий ахборот воситалари ходимлари кунига бағишлаб журналист ва блогерлар учун пресс-тур ташкил этилди. Унда республиканинг барча ҳудудларидан келган 50 нафардан ортиқ ОАВ вакили иштирок этди. Иштирокчилар Одил судлов академиясидаги ўқув жараёнлари ва дастурлари, суд имитатсияси хонаси, судяликка номзодларни психологик тайёрлаш йўналишлари ҳамда Ахборот-ресурс маркази фаолияти билан таништирилди. Очиқлик ва шаффофликни таъминлаш, коррупсиявий хавфларнинг олдини олиш, ОАВ билан ҳамкорликни ривожлантириш ҳамда суд-ҳуқуқ соҳасидаги ислоҳотларни жамоатчиликка етказиш масалалари юзасидан очиқ мулоқот ўтказилди.

Академия расмий сайти: https://sudacademy.uz/posts/press-tur-doirasidagi-muloqot-shaffoflik-bosh-mezon

Академиянинг расмий Телеграм канали: https://t.me/odilsudlovakademiyasi/5579

4. 2026-йил 30-июлдаги матбуот анжумани

Ўзбекистон Республикаси Одил судлов академиясида “Одил судлов академияси: инновatsiя, очиқлик ва амалий натижалар” мавзусида матбуот анжумани очиқ мулоқот шаклида ўтказилди. Унда Ўзбекистон Республикаси Президентининг 2025-йил 21-августдаги ПФ–141-сон Фармони ижроси, Академиянинг 2026-йил биринчи ярим йиллигидаги фаолияти якунлари, амалдаги ўқув дастурлари, магистратура ва касбий қайта тайёрлаш курсларига қабул жараёнлари, шунингдек, очиқлик, шаффофлик ва коррупсияга қарши курашиш йўналишидаги ишлар ҳақида ОАВ ва кенг жамоатчилик вакилларига маълумот берилди. Иштирокчиларнинг саволларига жавоб қайтарилиб, таклиф ва мулоҳазалар алмашилди.

Академия расмий сайти: https://sudacademy.uz/posts/odil-sudlov-akademiyasi-innovatsiya-ochiqlik-va-amaliy-natijalar

Ўзбекистон Миллий ахборот агентлиги: https://uza.uz/posts/889050

Маълумотлар янги пресс-тадбир ўтказилганда мунтазам янгиланади.
Масъул бўлинма: Матбуот хизмати.  |  Саҳифа янгиланган сана: 03.08.2026-йил.