O‘zbekiston Respublikasi Odil sudlov akademiyasi Sizni “Iqtisodiy nizolarni muqobil hal etish usullari: milliy va xorijiy tajriba” mavzusidagi xalqaro ilmiy-amaliy konferensiyaga taklif etadi.

Konferensiyada iqtisodiy nizolarni muqobil hal etishning zamonaviy usullari, milliy va xalqaro tajriba, shuningdek, sud amaliyotining dolzarb masalalari muhokama qilinadi.

Asosiy yo‘nalishlar:
🔹 Muzokaralar va mediatsiya;
🔹 Hakamlik sudlari va xalqaro tijorat arbitraji;
🔹 Kelishuv bitimlari hamda nizolarni sudgacha va suddan tashqari hal etish mexanizmlari;
🔹 Raqamli muhitda nizolarni hal etish imkoniyatlari;
🔹 Arbitraj qarorlarini tan olish va ijro etish;
🔹 Milliy sud amaliyotining dolzarb masalalari va xorijiy tajriba.

Konferensiyada olimlar, professor-o‘qituvchilar, tadqiqotchilar va soha mutaxassislari o‘z ilmiy qarashlari hamda amaliy takliflari bilan ishtirok etishlari mumkin.

🗓 2026-yil 5-oktabr
🕝 14:30 — Toshkent vaqti
📍 Odil sudlov akademiyasi
Toshkent shahri, Chilonzor tumani, Cho‘ponota ko‘chasi, 6-uy.

💻 Zoom orqali ishtirok etish:
Ulanish — 14:15 dan
Identifikator — 818 1613 8013
Kirish kodi — 376933

Ishtirokchi haqidagi ma’lumotlar, ma’ruza mavzusi hamda maqola yoki tezis matnini 2026-yil 30-sentabrgacha sudacademy@exat.uz elektron pochta manziliga yuborish so‘raladi.

📚 Konferensiya yakunlari bo‘yicha maqola va tezislarni to‘plam shaklida nashr etish rejalashtirilgan.

📞 Murojaat uchun: +998 93 773 51 07