Ички хавфсизлик назорати хизмати ўз фаолиятини Ўзбекистон Республикаси Конституцияси, қонунлари, Ўзбекистон Республикаси Президентининг фармонлари ва қарорлари ҳамда Вазирлар Маҳкамасининг қарорларига, Судьялар олий кенгаши қарорлари, Академия ректорининг буйруқлари ва фармойишлари, шунингдек, ушбу низомга мувофиқ амалга оширади.

Ички хавфсизлик назорати хизмати Академия фаолиятини халқаро стандартлар, қонун ва бошқа меъёрий ҳуқуқий ҳужжатларга мувофиқ ташкил этиш, коррупция хавф-хатарлари, манфаатлар тўқнашувини ўз вақтида аниқлаш ва чек қўйиш, қонун бузилиши ва коррупцияга оид ҳуқуқбузарликлар ҳақида хабар беришга масъул ҳисобланади.